Ångardsvatnet
| Ångardsvatnet | |||
| innsjø | |||
 Ångardsvatnet frå aust-søraust
Foto: Sigmund Rise | |||
| Land |  Noreg
| ||
|---|---|---|---|
| Fylke | Trøndelag | ||
| Kommune | Oppdal | ||
| Høgd over havet | 583 moh. | ||
| Areal | 3,24 km² | ||
| Kystlengd1 | 11,32 km | ||
| Koordinatar | 62°40′23″N 9°9′39″E / 62.67306°N 9.16083°E | ||
 Ångardsvatnet 62°40′23″N 9°09′39″E / 62.673056°N 9.160833°E | |||
| 1 Kystlengd er eit unøyaktig mål som kanskje ikkje er standardisert for denne artikkelen. | |||
Ångardsvatnet[1] er eit vatn som ligg i Storlidalen[2] ein del av Lønset kyrkjesokn i Oppdal kommune i Trøndelag.
Geografi[endre | endre wikiteksten]
Vatnet er det største av innsjøane i Lønset og ligg i sjølve Trollheimen, ca 35 km (austenden) vest for Oppdal sentrum og er omgjeve av fjella Gråfjellet, Kråkvasstind og Lorthøa i sør og Bårdsgardskammen og Okla i nord. Ångardsvatnet er bunde saman med Dalsvatnet gjennom Haugelva (1,7 km lang). Innsjøen vart regulert i samanheng med utbygginga av Driva kraftverk som vart opna i 1973. Reguleringa gjorde at elva Vindøla, som renn ut i austenden av Dalsvatnet og går saman med Driva rett nedanfor tettstaden Lønset har svært lita vassføring i delar av året.
Brukshøve[endre | endre wikiteksten]
Innsjøen gjev gode høve til bading og andre aktivitetar (fiske og båtturar) om sommaren. Lønset grunneigarlag disponerer fiskerettane og sel fiskekort for sportsfiske. Om vinteren gjev det høve til aktivitetar i preparerte skiløyper i tillegg til gode høve til isfiske. Kvart år vert det arrangert isfiskekonkurranse[3] ved påsketid.
Kjelder[endre | endre wikiteksten]
- ↑ Ångardsvatnet, arkivert frå originalen 22. mars 2012, henta 12. april 2011
- ↑ Storlidalen
- ↑ Ångardsvatnet, Isfiskekonkurranse[daud lenkje]
Denne geografiartikkelen som har med Trøndelag å gjere, er ei spire. Du kan hjelpe Nynorsk Wikipedia gjennom å utvide han.