Årdal kyrkje i Sogn

Årdal kyrkje
Årdalstangen  (November 2009) Foto: Stray Croc
Generelt
Kyrkjesamfunn:	Den norske kyrkja
Bispedøme:	Bjørgvin
Prosti:	Indre Sogn
Prestegjeld:	Årdal
Fellesråd:	Årdal
Sokn:	Nedre Årdal
Innvigd:	19. desember 1867
Kyrkjegard:	Ved kyrkja
Arkitektur
Type:	Langkyrkje
Arkitekt:	Christian Christie
Materiale:	Tre
Kyrkjerommet
Plassar:	400

Årdal kyrkje står på Årdalstangen i Årdal i Sogn og Fjordane og er ei langkyrkje i tre frå 1867. Ho er teikna av Christian Christie og har ei utforminga påverka av stavkyrkjene. Kyrkja erstatta Årdal stavkyrkje frå 1100-talet, som då var i dårleg stand og for lita.

Plasseringa til Årdal kyrkje

Altartavla frå 1935 er laga av Dagfinn Werenskiold.

Årdal kyrkje er soknekyrkje for Nedre Årdal sokn i Indre Sogn prosti. Fram til 1970 var ho einaste kyrkja i prestegjeldet, då stod Farnes kyrkje ferdig i Øvre Årdal og prestegjeldet vart deld i to sokn, Øvre Årdal og Nedre Årdal. Årdal vart skild ut som eige prestgjeld i 1863, tidlegare hadde området høyrd til Lærdal prestegjeld. Ordninga med prestegjeld vart fasa ut frå 2004 og det er no prosten i Indre Sogn prosti som leiar prestetensta i Årdal.

Kjelder

• Margrethe Henden Aaraas og Sigurd Vengen: «Årdal kyrkje» på nettstaden til Fylkesarkivet i Sogn og Fjordane
• «Kyrkjene i Årdal» hjå NRK Sogn og Fjordane Fylkesleksikon
• Sigurd Muri: Norske kyrkjer. Det Norske Samlaget. Oslo 1971

Bakgrunnsstoff

• Om Nedre Årdal kyrkjelyd på nettstaden til Den norske kyrkja
• «Kirkebøker, Sogn og Fjordane» på nettstaden til Arkivverket
• Eldre fotografi av Årdal kyrkje på nettstaden til Nasjonalbiblioteket
• Kart frå 1979 som viser kyrkjestader og soknegrenser, på nettstaden til Universitetet i Bergen

Kyrkjer i Årdal prestegjeld
Farnes · Årdal