Åse Gruda Skard

Åse Gruda Skard
Statsborgarskap	Noreg
Fødd	2. desember 1905 Christiania
Død	13. august 1985 (79 år) Bærum kommune
Yrke	psykolog, kvinnesaksforkjemper, skribent
Medlem av	Norsk Kvinnesaksforening
Far	Halvdan Koht
Mor	Karen Grude Koht
Ektefelle	Sigmund Skard
Åse Gruda Skard på Commons

Åse Gruda Skard (2. desember 1905–13. august 1985), fødd Koht, var ein norsk barnepsykolog og forkjempar for kvinnesaka frå Oslo. Skard vart den første kvinna i landet som oppnådde magistergrad i psykologi i 1931 ved Universitetet i Oslo, og fekk tilnamnet «hele Norges bestemor».

Biografi

Foreldra hennar var Karen Grude Koht og Halvdan Koht. Ho vart i 1933 gift med litteraturforskaren Sigmund Skard. Saman fekk dei fem barn, mellom dei Halvdan Skard, Torild Skard og Målfrid Grude Flekkøy.

Åse Gruda Skard arbeidde som dosent i barnepsykologi ved Universitetet i Oslo (1947–1973). I 1934 etablerte ho Norsk Psykologiforening og sat som leiar frå 1945 til 1949. Under andre verdskrigen arbeidde ho ved Wilson College i USA, der ho mellom anna tala Noreg si sak. Ho var redaktør for Norsk Pedagogisk Tidsskrift i åra 1936–1970 ().

Gjennom ei rad føredrag, over to tusen artiklar og tjuefire fagbøker, var ho ein viktig meiningsdannar i Noreg etter krigen. I boka Ungene våre (1948) talar ho for korleis den moderne familien skal la meiningane til ungane koma fram i større grad. Ho tala til Norsk Kvinnesaksforening om kor viktig det var at kvinner i større grad nytta dei ulike sjansane samfunnet bydde på (1953).

Som forkjempar for born sine rettar bidrog Skard til opprettinga av eit nasjonalt barneombod. Ho kan seiast å vera den første norske mediapsykologen. I ei årrekkje sat ho i Kringkastingsrådet for NRK, der ho var sterk pådrivar for programmet Foreldrenes Kvarter, Barnetimen for de minste og Lørdagsbarnetimen. Ho medverka òg i tv-serien Mattis.

Prisar

• I 1936 vann ho Melsom-prisen.
• Åsa Grude Skard vart tildelt Forskningsrådets pris for popularisering av psykologisk vitskap i 1976.
• I 1985 vann ho Sunnmørsprisen for Liv laga.
• I 2005 oppretta Norsk Psykologiforening ein pris til hennar minne: Åse Gruda Skards pris.
• Ho er avbilda på eit norsk frimerke: NK1561.

Kjelder

• «Åse Gruda Skard» på Wikipedia på bokmål og riskmål, innhenta 3. februar 2006.
• «Befring, Edvard: Åse Gruda Skard» i Norsk Biografisk Leksikon, innhenta 7.1. 2011.

Bakgrunnsstoff

• Åse Gruda Skard på nettstaden Alma Maters døtrer (bilete med meir) Arkivert 2007-07-14 ved Wayback Machine.
• Åse Gruda Skard – barnepsykolog og kvinnesaksforkjemper Arkivert 2007-08-30 ved Wayback Machine.
• Åsa Gruda Skards Pris for popularisering av psykologisk kunnskap Arkivert 2006-10-08 ved Wayback Machine.