Éjina

Éjina Lokalt namn: Αίγινα
Hamna i Éjina
Geografi
Stad	Saroniabukta i Egearhavet
Koordinatar	37°45′N 23°26′E
Øygruppe	Dei saroniske øyane
Areal	87,41 km²
Høgaste punkt	Óros (532 moh.)
Administrasjon
Land	Hellas
Periferi Periferieining	Attikí Øyane
Demografi
Folketal	13 552 (2001)
Folketettleik	155 /km²

Éjina (gresk Αίγινα) eller Aegina er ei av Dei saroniske øyane i Saroniabukta i Hellas, 50 km frå Athen. Tradisjonen seier at namnet kjem av Aigina, mor til Aiakos som vart fødd på og herska over øya. Øya er ein kommune i periferieininga Øyane i periferien Attikí. Administrasjonssenteret er byen Éjina, som ligg på den nordvestlige enden av øya. På grunn av plasseringa i forhold til Athen er øya ein populær utfartsstad i sommarmånadane, og mange atenarar eig sommarhus her.

Geografi

Éjina har ei trekanta form med eit areal på 87 km². Øya er 13 km lang frå nordvest til søraust og 15 km brei.

To tredelar av Éjina er ein utdøydd vulkan. Den nordlege og vestlege sida består av steinete, men frodige sletter, der ein mellom anna dyrkar korn, bomull, vinranker, mandel, oliven og fiken, men mest karakteristisk er pistasje. Økonomisk er òg fiske etter svampar viktig.

Den sørlege, vulkanske delen av øya er kupert og berglendt, og stort sett aude. Den høgaste toppen er Óros i sør. Ein fjellrygg strekk seg nordover derifrå med smale, frodige dalar på kvar side.

Stranda Ajía Marína sett frå ein lokal restaurant.

Strendene på øya er ein populær turistattraksjon. Båtar frå Athen kan nå øya på 20 minutt, men vanlege ferjer bruker opp mot ein time.

Bakgrunnsstoff

Commons har multimedia som gjeld: Éjina

• Bilete frå Éjina
• Éjina på athensguide.org
• Éjina aeginagreece.com
• Reiseguide for Éjina
• Kart over Antikkens Hellas, inkludert Éjina

Kjelde

• Denne artikkelen er basert på ei omsetjing av artikkelen Aegina frå Engelsk Wikipedia .