Øya Storbritannia

Frå Wikipedia – det frie oppslagsverket
Satellittbilete av Storbritannia

Øya Storbritannia er den største av Dei britiske øyane, og ligg mellom fastlands-Europa og Irland. Øya utgjer størstedelen av landområdet til Det sameinte kongeriket Storbritannia og Nord-Irland, som på norsk som regel vert kalla Storbritannia. På engelsk er namnet «Great Britain».

Øya Storbritannia er den største øya i Europa, og kjem på 8. plass i verda. Ho har ei flatevidd på 229.850 km². Ho omfattar det meste av landa England, Skottland og Wales som no utgjer nasjonen Storbritannia. I tilllegg høyrer andre, mindre øyar òg til kvart av desse landa.

Kvifor Storbritannia?[endre | endre wikiteksten]

Namnet på øya viser til at det er landet der britane bur. Men det finst òg eit anna område der britar, eller bretonarar, held til. Det er Bretagne i Frankrike, eller Brittany på engelsk. Sidan den britiske øya er større enn den bretonske halvøya, blei ho kalla Storbritannia.

Spire Denne geografiartikkelen er ei spire. Du kan hjelpe Nynorsk Wikipedia gjennom å utvide han.