4 Way Street

4 Way Street Konsertalbum av Crosby, Stills, Nash & Young
Utgjeve	7. april 1971 (original) 15. juni 1992 (utvida)
Innspelt	2. juni til 5. juli 1970, New York, Chicago & Los Angeles
Sjanger	Rock, folkrock
Lengd	76:35 (original) 109:35 (utvida)
Selskap	Atlantic Records
Produsent	David Crosby, Stephen Stills, Graham Nash, Neil Young
Kritikk
Allmusic lenkje Robert Christgau (B-) lenkje Rolling Stone (positiv) lenkje
Crosby, Stills, Nash & Young-kronologi
Déjà Vu (1970)	4 Way Street	So Far (1974)

4 Way Street er det tredje albumet til Crosby, Stills & Nash, og det andre som Crosby, Stills, Nash & Young, samt det første konsertalbumet deira. Det vart opphavleg gjeve ut i 1971, selde til gullplate og nådde toppen av albumlista i USA. Innspelingane vart gjort på turneen deira året før i The Fillmore East i New York, 2. til 7. juni 1970, The Chicago Auditorium i Chicago, 5. juli 1970 og The Forum i Los Angeles, 26. til 28. juni 1970.

Historie

Albumet inneheld songar som tidlegare var gjeven ut på studioalbum, både av bandet og av dei fire individuelle medlemmane. To songar kvar av Nash og Crosby var ikkje enno gjeven ut offisielt då albumet kom: «Chicago», som like etter kom ut på Nash sitt Songs for Beginners og «Right Between the Eyes», «The Lee Shore» og den kontroversielle «Triad» av Crosby. Sistnemnte var spelt inn av Jefferson Airplane på deira Crown of Creation i 1968 og av The Byrds, men The Byrds si utgåve kom først ut som bonusspor på The Notorious Byrd Brothers i 1997.

Då dette albumet vart spelt inn var det stor splid i gruppa, og kranglinga i garderobane vart materiale for rockelegendene, og vart til og med omtalt av Frank Zappa og the Mothers of Invention på plata deira Fillmore East - June 1971. Kranglinga førte til at bandet vart oppløyst kort tid etter turneen (og mange månader før albumet kom ut). Det neste albumet til CSN (utan Young) kom først ut i 1977, CSN.

4 Way Street kom ut på CD i 1992. Den utvida utgåva inneheld fire solosongar av kvart medlem. Young spelte ein trio av songar frå dei to første soloalbuma sine, som ein medley, Stills hadde med «Black Queen» frå det sjølvoppkalla debutalbumet, Crosby spelte «Laughing» frå hans debutalbum og Nash gjorde «King Midas in Reverse», ein singel av The Hollies frå 1967.

Fleire songar frå turneen kom ut på Young sitt The Archives Vol. 1 1963–1972, som kom i 2009.

Innhald

Side ein
#	Tittel	Lengd
1.	«Suite: Judy Blue Eyes» (Stephen Stills)	0:33
2.	«On the Way Home» (Neil Young)	3:19
3.	«Teach Your Children» (Graham Nash)	2:46
4.	«Triad» (David Crosby)	5:07
5.	«The Lee Shore» (Crosby)	4:14
6.	«Chicago» (Nash)	3:03

Side to
#	Tittel	Lengd
7.	«Right Between the Eyes» (Nash)	2:19
8.	«Cowgirl in the Sand» (Young)	3:50
9.	«Don't Let It Bring You Down» (Young)	2:35
10.	«49 Bye-Byes/America's Children» (Stills)	5:30
11.	«Love the One You're With» (Stills)	2:57

Side tre
#	Tittel	Lengd
12.	«Pre-Road Downs» (Nash)	2:48
13.	«Long Time Gone» (Crosby)	5:33
14.	«Southern Man» (Young)	13:15

Side fire
#	Tittel	Lengd
15.	«Ohio» (Young)	3:24
16.	«Carry On» (Stills)	13:06
17.	«Find the Cost of Freedom» (Stills)	2:16

Medverkande

• David Crosby – vokal, gitar
• Stephen Stills – vokal, gitar, keyboard
• Graham Nash – vokal, gitar, keyboard
• Neil Young – vokal, gitar, munnspel, keyboard
• Calvin «Fuzzy» Samuels – bass
• Johnny Barbata – trommer

Kjelder

• Denne artikkelen bygger på «4 Way Street» frå Wikipedia på engelsk, den 27. oktober 2010.
  • Wikipedia på engelsk oppgav desse kjeldene:
  • Zimmer, Dave og Diltz, Henry. Crosby Stills & Nash: The Authorized Biography (First edition), St. Martin’s Press, 1984. ISBN 0-312-17660-0