Aalsmeer

Aalsmeer
Flagget til Aalsmeer Byvåpenet til Aalsmeer
Plassering
Styresmakter
Land Provinsar	Nederland Noord-Holland
Borgarmeister	Pieter Litjens
Geografi
Flatevidd  - By    - Land    - Vatn	32,24 km²   20,58 km²   11,66 km²
Innbyggjarar  - Totalt (2008)    - folketettleik	28 026   1362/km²
Koordinatar	52°26′″N 4°76′″E
Diverse annan informasjon
Nettstad: www.aalsmeer.nl

Aalsmeer er ein kommune og tettstad i Nederland i provinsen Noord-Holland med om lag 28 000 innbyggjarar. Kommunen er ein del av byregionen Amsterdam.

Aalsmeer er først nemnt i 1133 som "Alsmar". Dette namnet finst i eit diplom der landet blir skjenka til nonneklosteret i Rijnsburg. Området var då ei villmark med or og vier. Det vart stukke mykje torv i området, og slik oppstod innsjøar. Jordbrukslandet vart slik minska, og folket gjekk over til fiskeri på 1400-talet. På 1600-talet begynte ein å tørrleggja områda som hadde blitt til sjøar. Slik vart Stommeer tørrlagt i 1650 og Hornmeer i 1674. Nokon vindmøller som vart brukt til å driva pumpene til å tørrleggja sjøane står endå.

I 1852 vart sjøen Haarlemmermeer tørrlagd, følgt av fleire andre. Fiskeriet vart så godt som borte, og plante- og fruktdyrking vart viktigare. Frå 1850 til 1885 var jordbærdyrking svært viktig. Jordbæret gav fargar til Aalsmeer sitt flag: Raudt, grønt og svart for bæret, blada og jorda. Frå 1880 av vart òg blomedyrking viktig, først med roser. Frå 1912 av vart blomane omsette på auksjonar i Aalsmeer. Blomehandel vart stadig viktigare, og gjennom den nye internasjonale flyplassen Schiphol like ved fekk ein tilgang til den amerikanske og japanske marknaden. Den nye auksjonshallen frå 1999 er 999 000 m² stor, og det største forretningsbygget i verda, ifølgje Guinness rekordbok.

Kjelder

• Denne artikkelen bygger på «Aalsmeer» frå Wikipedia på nederlandsk, den 2. mars 2009.