Abort-motstandernes liste

Frå Wikipedia – det frie oppslagsverket

Abort-motstandernes liste er eit politisk parti som stilte til val i 7 fylke ved stortingsvalet 2005. Partiet si einaste sak var kamp for å totalforby abort.

Toppkandidatane i alle fylka var dei kjenda abortmotstandarprestane Ludvig Nessa og Børre Knudsen. Ein annan kjend abortprest, Per Kørner, sto på Abort-motstandernes liste i nokre fylke og Kristent Samlingsparti si liste i andre. Ivar Kristianslund, tidlegare formann i Kristent Samlingsparti, sto på tredjeplass på abormotstandarlista i alle fylke der ho stilte. Alle som sto på listene var menn, ikkje ei einaste var kvinne. Abortmotstandarane skapte reaksjonar i valkampen, då dei sende plastmodellar av foster saman med bilete av blodige, aborterte foster til tilfeldige veljarar som valkampmateriell. [1]

Abort-mostandernes liste fekk 1 934 røyster, noko som utgjorde 0,07 % av røystene ved stortingsvalet. Ingen representantar vart valde inn på Stortinget. Resultata deira i einskilde fylke var:

• Aust-Agder: 0,22 %
• Rogaland: 0,21 %
• Vest-Agder: 0,19 %
• Hordaland: 0,17 %
• Østfold: 0,16 %
• Akershus: 0,09 %
• Oslo: 0,08 %

Politiske parti i Noreg
Sosialistisk venstreparti	Arbeidarpartiet	Senterpartiet	Venstre	Kristeleg folkeparti	Høgre	Framstegspartiet
Abort-motstandernes liste | Demokratane | Fedrelandspartiet | Kristent samlingsparti | Kystpartiet | Det liberale folkepartiet (DLF) | Miljøpartiet dei grøne | Naturlovpartiet | Norges kommunistiske parti (NKP) | Pensjonistpartiet | Raudt | Reformpartiet | Samefolkets parti | Samfunnspartiet

[endre] Kjelder

• Vallister frå Statistisk Sentralbyrå
• Valresultat frå Stortinget.no