Abu Simbel

Frå Wikipedia – det frie oppslagsverket
Gå til: navigering, søk
Statue av Ramses II

Abu Simbel er eit arkeologisk område sør i Egypt, på vestbreidda av Nilen. I Abu Simbel er det to klippetempel. Desse tempela er ein del av dei nubiske monumenta som vart sette på verdsarvlista til UNESCO i 1979.

Tvillingtempela vart meisla ut frå bergveggen på 1200-talet fvt. av Ramses II, som ville skapa eit evigvarande byggverk til minne om han sjølv og dronning Nefertari i samband med Slaget ved Kadesh.

Fasaden på det store tempelet er dominert av fire 20 meter høge statuar. Det mindre tempelet har seks 10 meter høge statuar på fasaden.

Tempela i Abu Simbel vart attoppdaga av Johann Ludwig Burckhardt og gravne ut or sanden av Giovanni Belzoni.

Flytting[endre | endre wikiteksten]

Mellom 1964 og 1968 vart heile tempelområdet demontert, ved at ein sagde dei ut or klippen og flytta dei 65 meter opp og 200 meter vekk frå elvebreidda for å verna tempela mot vassmengda då elvebreidda steig etter bygginga av Assuandammen. Når tempelet vart bygd opp att tok ein omsyn til korleis tempela tidlegare hadde stått i høve til kvarandre og til sola. Det store tempelet er bygd slik at sola to gonger i året lyser heilt inn i tempelet og lyser opp den bakre veggen i rommet, der det står statuar av fire gudar. Då tempela var bygde opp att vart det bygd kunstig fjell rundt dei.

Kjelder[endre | endre wikiteksten]