Lerkefamilien

Lerkefamilien
Songlerke, Alauda arvensis Foto: Daniel Pettersson
Systematikk
Klasse:	Aves
Orden:	Passeriformes
Familie:	Alaudidae
Vitskapleg namn
Alaudidae

Lerkefamilien, vitskapleg namn Alaudidae, samlar nær hundre artar små til mellomstore sporvefuglar, 12 til 24 cm i lengd og 15 til 75 gram i vekt. Alle artar finst i «den gamle verda» og i nordlege og austlege Australia. Berre ein art, fjellerke, har spreidd seg til Nord-Amerika. Habitata varierer mykje, men mange artar lever i tørre område. Lerker er ein veldefinert biologisk familie, blant anna gjennom den distinkte forma på tarsen.

Skildring

Lerker har meir forseggjorte lydytringar enn mange andre fuglar, og ofte ekstravagante songar gjeve i flygeoppvisingar. Desse melodiøs lydane for det menneskelege øyret, kombinert med ein vilje til å ekspandere inn i menneskeskapte habitat - så lenge desse ikkje er for intensivt dyrka - har sikra lerker ein framtredande plass i litteratur og musikk, spesielt songlerke i Nord-Europa og topplerke og kalanderlerke i Sør-Europa.

Med desse songane under flyging, forsvarer hannar hekketerritorium og tiltrekker makar. Dei fleste artane byggjer reir på bakken, vanlegvis koppforma av daudt gras, men hos nokre artar er reiret meir komplisert og dels overbygd. Nokre få ørkenartar hekkar svært lågt i buskar, kanskje slik at lufta sirkulerer og kjøler reiret. Lerkeegg er vanlegvis flekkete, og kullstorleiken varierer frå 2, særleg hos artar i dei tørraste ørkenane, til 6 hos artar i tempererte område. Lerker rugar i 11 til 16 dagar.

Som mange andre bakkelevande sporvefuglar, har dei fleste lerkeartar lang bakklo, som ein trur gjev stabilitet når dei står. Dei fleste artar har stripa brun fjørdrakt, nokre klårt merkte med svart eller kvitt. Den fargelause utsjånaden kamuflerer dei på bakken, særleg når dei ligg på reiret. Dei lever av insekt og frø, sjølv om vaksne hos dei fleste artane et frø primært, vil alle artar mate ungar med insekt i minst den første veka etter klekking. Mange artar grev med nebbet for å avdekke mat. Nokre lerker har tunge nebb, ekstremt hos tjukknebblerke, for å knuse frø, medan andre har lange, nedbøygde nebb, som er spesielt eigna for graving.

Blant artar der ein har kunnskap om myting er lerkane dei einaste sporvefuglar som fell alle fjørene i den første mytinga. Dette kan skuldast dårleg fjørkvaliteten hos ungane, som igjen kan kome av lågare kvalitet på føda dei får frå foreldra den første levetida.

Artslista

Lerker i rekkjefølgje etter Clementslista versjon 6.5 frå desember 2010 med norske namn etter Norske navn på verdens fugler.

Slekt Mirafra Australlerke, Mirafra javanica Ghatslerke, Mirafra affinis Busklerke, Mirafra erythroptera Indokinalerke, Mirafra erythrocephala Bengallerke, Mirafra assamica Burmalerke, Mirafra microptera Madagaskarlerke, Mirafra hova Savannelerke, Mirafra cantillans Jordlerke, Mirafra albicauda Tuareglerke, Mirafra cordofanica Lavalerke, Mirafra williamsi Sahellerke, Mirafra rufa Monotonilerke, Mirafra passerina Boerlerke, Mirafra cheniana Kenyalerke, Mirafra pulpa Strandlerke, Mirafra ashi Somalilerke, Mirafra somalica Raudvenglerke, Mirafra hypermetra Melankolilerke, Mirafra africana Angolalerke, Mirafra angolensis Flagrelerke, Mirafra rufocinnamomea Klaprelerke, Mirafra apiata Kalaharilerke, Mirafra fasciolata Kragelerke, Mirafra collaris Ogadenlerke, Mirafra gilletti Degodilerke, Mirafra degodiensis Slekt Heteromirafra Hargeisalerke, Heteromirafra archeri Negelelerke, Heteromirafra sidamoensis Transvaallerke, Heteromirafra ruddi Slekt Calendulauda Rosenbrystlerke, Calendulauda poecilosterna Sabotalerke, Calendulauda sabota Krattlerke, Calendulauda africanoides Revelerke, Calendulauda alopex Raudlerke, Calendulauda burra Karoolerke, Calendulauda albescens Vortemelklerke, Calendulauda barlowi Dynelerke, Calendulauda erythrochlamys Slekt Pinarocorys Rustgumplerke, Pinarocorys erythropygia Umbralerke, Pinarocorys nigricans Slekt Ammomanopsis Gruslerke, Ammomanopsis grayi Slekt Chersomanes Sylklolerke, Chersomanes albofasciata Kingeretelerke, Chersomanes beesleyi Slekt Certhilauda Namaqualerke, Certhilauda curvirostris Agulhaslerke, Certhilauda brevirostris Sotholerke, Certhilauda semitorquata Hottentottlerke, Certhilauda subcoronata Benguelalerke, Certhilauda benguelensis Kortklolerke, Certhilauda chuana Slekt Alaemon Langnebblerke, Alaemon alaudipes Løpelerke, Alaemon hamertoni Slekt Chersophilus Nattlerke, Chersophilus duponti

Slekt Eremopterix Sotlerke, Eremopterix australis Brunrygglerke, Eremopterix leucotis Svartkronelerke, Eremopterix nigriceps Grårygglerke, Eremopterix verticalis Sporvelerke, Eremopterix signatus Masailerke, Eremopterix leucopareia Gråkronelerke, Eremopterix griseus Slekt Ammomanes Mørkhalelerke, Ammomanes cinctura Rusthalelerke, Ammomanes phoenicura Ørkenlerke, Ammomanes deserti Slekt Ramphocoris Tjukknebblerke, Ramphocoris clotbey Slekt Melanocorypha Kalanderlerke, Melanocorypha calandra Fjellkalanderlerke, Melanocorypha bimaculata Tibetlerke, Melanocorypha maxima Mongollerke, Melanocorypha mongolica Kvitvenglerke, Melanocorypha leucoptera Svartlerke, Melanocorypha yeltoniensis Slekt Calandrella Dverglerke, Calandrella brachydac?tyla Rustdverglerke, Calandrella cinerea Bleikdverglerke, Calandrella blanfordi Fjelldverglerke, Calandrella erlangeri Steppedverglerke, Calandrella acutirostris Somalidverglerke, Calandrella somalica Flekkdverglerke, Calandrella rufescens Sanddverglerke, Calandrella raytal Slekt Eremalauda Nomadelerke, Eremalauda dunni Slekt Spizocorys Damaralerke, Spizocorys starki Rosennebblerke, Spizocorys conirostris Astrildlerke, Spizocorys fringillaris Kystlerke, Spizocorys obbiensis Maskelerke, Spizocorys personata Tårelerke, Spizocorys sclateri Slekt Pseudalaemon Korthalelerke, Pseudalaemon fremantlii Slekt Galerida Topplerke, Galerida cristata Krattopplerke, Galerida theklae Malabartopplerke, Galerida malabarica Savannetopplerke, Galerida modesta Kaneltopplerke, Galerida deva Tjukknebbtopplerke, Galerida magnirostris Slekt Alauda Songlerke, Alauda arvensis Orientlerke, Alauda gulgula Razolerke, Alauda razae Slekt Lullula Trelerke, Lullula arborea Slekt Eremophila Fjellerke, Eremophila alpestris Hornlerke, Eremophila bilopha

Songlerke Alauda arvensis, trelerke Lullula arborea og fjellerke Eremophila alpestris hekkar i Noreg. Topplerke Galerida cristata hekka tidlegare medan kalanderlerke Melanocorypha calandra og dverglerke Calandrella brachydactyla er sjeldne gjestar.

Kjelder

• Denne artikkelen byggjer på «lark» frå Wikipedia på engelsk, den 30. april 2011
  • Kikkawa, Jiro (2003). «Larks». I Perrins, Christopher (ed.). Firefly Encyclopedia of Birds. Firefly Books. ss. 578–583. ISBN 1-55297-777-3. 
• Ridgway, Robert (1907). «The Birds of North and Middle America, Part IV». Bulletin of the United States National Museum 50: 289–290. 

Bakgrunnsstoff

• Videoar, bilete og lydopptak av lerker hos Internet Bird Collection

Commons har multimedia som gjeld: Lerkefamilien