Alazani

Alazani
elv
Land	Georgia, Aserbajdsjan
Nedslagsfelt	10 800 km²
Lengd	351 km
Kjelde	Store Kaukasus
Munning	Kura i Mingəçevir i Aserbajdsjan
Alazani 42.4216°N 45.2343°E / 42.4216; 45.2343
Wikimedia Commons: Alazani River

Alazani (georgisk ალაზანი, aserbajdsjansk Qanıx) er ei elv som renn gjennom Kaukasus, og er ei av dei store sideelvene til Kura i austlege område av Georgia med ei lengd på 351 km. Delar av elva dannar grensa mellom Georgia og Aserbajdsjan, før ho møter Kura ved Mingəçevir-reservoaret.

Alazani har sitt utspring i Store Kaukasus der to små elvar renn i hop like sør for ryggen. Ho renn først gjennom området Akhmeta mot sør, så gjennom den frodige Alazanidalen i Kakheti mot søraust. Alazani er senteret for georgisk vindindustri, og i fleire hundre år var det frå her persarane invaderte områda lenger nord.

Alazani tørkar som regel heilt ut om vinteren, men seint på våren, då snøen smeltar i fjella, vert ho særs stor, og fører ofte med seg flaum. Elvar vert hovudsakleg brukt for vatning og drikkevatn. På 1990-talet bygde kinesiske investorar eit lite vasskraftverk, som nyttar seg av den sterke straumen i Alazani. Elva er òg populær for rafting blant turistar.

Elva er noko forureina av uhandsama kloakk frå byar og andre busetjingar og jordbruksureining. I distrikta Kvareli og Lagodekhi er vasskvaliteten dårleg.

Alazani gjev òg namnet sitt til forskjellige georgiske vinar, mellom anna dei halvtørre vinane Marani Alazani Valley og Old Tbilisi Alazani.

Kjelder

• Denne artikkelen bygger på «Alasani» frå Wikipedia på tysk, den 8. februar 2007.