Albumet A Hard Day’s Night

A Hard Day’s Night Studioalbum av The Beatles
Utgjeve	10. juli 1964
Innspelt	Abbey Road og Pathé Marconi Studios 29. januar - 3. juni 1964
Sjanger	Rock and roll, beatmusikk
Lengd	30:30
Selskap	Parlophone PMC 1230 (mono) PCS 3058 (stereo) CDP 7 46437 2 (reissue)
Produsent	George Martin
Kritikk
Allmusic link Piero Scaruffi link Q link
The Beatles-kronologi
With The Beatles (1963)	A Hard Day’s Night	Beatles for Sale (1964)

A Hard Day’s Night er det tredje albumet til The Beatles, gjeve ut 10. juli 1964 som filmmusikken til den første filmen deira med same namn. Albumet kom ut 26. juni 1964 i USA med litt anna innhald.

Albumet er det første til The Beatles der alle songane er originale, og det einaste albumet der alle songane er skrivne av Lennon/McCartney. Albumet inneheld nokre av dei mest kjende songane deira, som tittelsongen (med den særeigne opningsakkorden ein umiddelbart kjenner att) og «Can’t Buy Me Love» som begge vart store hittar på begge sider av Atlanteren. Albumet og filmen viser det klassiske bilete av The Beatles sidan det vart gjeve ut på høgda av Beatlemania.

Side ein av LPen inneheld songar som vart nytta i filmen, medan side to inneheld songar som vart skrive for, men som ikkje var med, i filmen. Dette er òg det første Beatles-albumet som vart spelt inn med firesporsopptakar, som gav gode stereomiksar.

I 2000 plasserte musikkmagasinet Q albumet på femteplass over dei 100 største britiske albuma gjennom tidene. Musikkmagasinet Rolling Stone plasserte albumet på 388. plass over dei 500 største albuma gjennom tidene.

26. februar 1987 vart A Hard Day's Night offisielt gjeve ut på CD i mono. Albumet er enno ikkje gjeve ut i stereo på CD, men fleire av songane finst i stereo på samleplater.

Innhald

Alle songar er skrivne av Lennon/McCartney. 

Side ein
#	Tittel	Lengd
1.	«A Hard Day’s Night»	2:34
2.	«I Should Have Known Better»	2:46
3.	«If I Fell»	2:24
4.	«I’m Happy Just to Dance with You»	2:33
5.	«And I Love Her»	2:33
6.	«Tell Me Why»	2:12
7.	«Can’t Buy Me Love»	2:14

Side to
#	Tittel	Lengd
8.	«Any Time at All»	2:13
9.	«I’ll Cry Instead»	1:49
10.	«Things We Said Today»	2:40
11.	«When I Get Home»	2:20
12.	«You Can’t Do That»	2:39
13.	«I'll Be Back»	2:20

Amerikansk utgåve

Den amerikanske utgåva av albumet vart gjeve ut 26. juni 194 av United Artists Records og inneheld sju songar frå filmen, «A Hard Day’s Night», «Tell Me Why», «I’m Happy Just to Dance With You», «I Should Have Known Better», «If I Fell», «And I Love Her» og «Can’t Buy Me Love». Her finst òg «I’ll Cry Instead», som vart skrive for filmen, men i siste liten ikkje nytta likevel. Den amerikanske utgåva inneheld òg fire easy listening-aktige instrumentale versjonar av Lennon/McCartney-songar av George Martin: «I Should Have Known Better», «And I Love Her», «Ringo’s Theme (This Boy)» og «A Hard Day’s Night». Albumet gjekk til topps på Billboard si albumliste, der han låg i heile 14 veker, det lengste dette året.

Den amerikanske utgåva er enno ikkje gjeve ut på CD offisielt.

Medverkande

• John Lennon: solo, harmoni og korvokal; rytmegitar og akustisk gitar; munnspel; sologitar på «You Can’t Do That»; piano på «Things We Said Today» og tamburin.
• Paul McCartney: solo, harmoni og korvokal; bassgitar og piano.
• George Harrison: sologitar (6- and 12-strengar); akustisk og spansk gitar; korvokal; solovokal på «I'm Happy Just To Dance With You»; harmonivokal på «Things We Said Today» og claves på «And I Love Her».
• Ringo Starr: Trommer, kubjølle, maracas og tamburin
• George Martin: piano

Bakgrunnsstoff

• Beatles kommenterer kvar song
• Innspelingsinformasjon

Kjelder

• Denne artikkelen bygger på «A Hard Day's Night (album)» frå e, den 4. oktober 2008.
  • e oppgav desse kjeldene: