Alejandro Fuentes

Frå Wikipedia – det frie oppslagsverket
Gå til: navigering, søk

Alejandro Javier Fuentes (fødd 5. november 1987), eller Idol-Alis, er ein norsk-chilensk Idol-deltakar og musikar. Fuentes vart fødd i Chile, men er oppvaksen og busett i Kristiansand. [1]

Karriere[endre | endre wikiteksten]

Alejandro Fuentes var ukjent for dei fleste nordmenn før 2005, då han deltok i Idol. Her framførte han m.a. ein versjon av Sail Away av David Gray. Jorun Stiansen vann Idol dette året, men Alejandro hamna på ein tredjeplass og fekk skaffa platekontrakt. Allereie same året debuterte han med albumet Diamonds or Pearls og det selde over 60.000 eksemplar. [2] Med på plata var også Sail Away. Denne, og songen Stars var gjeve ut på singel.

I 2006 vart Fuentes kjend saman med Kurt Nilsen, Askil Holm og Espen Lind, og dei vart kalla «dei nye gitarkameratane», sjølv om gruppa ikkje kalla seg dette sjølve. Dei gav ut cd-en Hallelujah Live, der dei framførte coverversjonar av kjende songar. Mest kjende vart dei for singelen Hallelujah, opphavleg skriven av Leonard Cohen. Denne vart kåra til Årets hit under Spellemannprisen 2006. I 2009 gav kvartetten ut oppfylgjaren Hallelujah Live 2

I 2007 gav han ut si neste soloplate, Tomorrow Only Knows, som selde over 25.000 eksemplar. Songen Tomorrow Only Knows var også gjeve ut på singel. I 2010 gav Fuentes ut singelen Stop Beggin' Me. [3] Eit tredje soloalbum var venta av Fuentes hausten 2011, men det er ikkje utgjeve enno, og tittelen er heller ikkje offentleggjort.

Diskografi[endre | endre wikiteksten]

  • 2005: Diamonds or Pearls
  • 2006: Hallelujah Live (med Nilsen, Holm og Lind)
  • 2007: Tomorrow Only Knows
  • 2009: Hallelujah Live 2 (med Nilsen, Holm og Lind)

Kjelder[endre | endre wikiteksten]

  • Bokmålswikipedia om Alejandro Fuentes, henta inn 12. desember 2011.

Fotnotar[endre | endre wikiteksten]