Aleksandr Litovsjenko

Frå Wikipedia – det frie oppslagsverket
Gå til: navigering, søk
Ivan den skrekkelege viser skattane sine til Jerome Horsey, 1875

Aleksandr Dmitrijevitsj Litovsjenko (russisk: Александр Дмитриевич Литовченко) (26. mars 183528. juni 1890) var ein ukrainskfødd russisk målar som spesialiserte seg i å skildre det moskovittiske Russland av det 16. og 17. hundreåret. Han var fødd i Kremensjuk og døydde i St. Petersburg.

Liv og gjerning[endre | endre wikiteksten]

Litovsjenko studerte ved St. Petersburgs kunstakademi. Trass i at han vart kritisert av sine medstudentar for heller oppstylta komposisjonar, vart han tildelt ei mindre gullmedalje for si framstilling av Karon som ror sjelene etter dei døde over Styx. Saman med fleire andre yngre målarar utfordra han akademismen som var rådande ved kunstakademiet. I 1863 forlet han dette for å drive som målar. Han gjekk med i Peredvizjnikij-rørsla i 1876.

I 1868 vart Litovsjenko godkjent som akademi-målar for eit bilete av ein falkoner som var tilsett ved hoffet til tsar Aleksej. Mellom dei større verka hans, vart Ivan den skrekkelege viser sine skattar til Jerome Horsey (1875) erverva av tsaren til Russlands Museum i St. Petersburg. Tsar Aleksej og erkebiskop Nikon ærar dei jordiske leivningane av patriarken Filip (1886) vart kjøpt av Pavel Tretjakov til Tretjakovgalleriet i Moskva, til liks med dei beste portretta Litovsjenko hadde måla.

Litovsjenko vert også hugsa som opphavsmann til sju veggmåleri i Frelsaren Kristus-katedralen i Moskva, samt ein serie ikonar til minnesmerket over Krimkrigen i Sevastopol.

Kjelde[endre | endre wikiteksten]

Commons-logo.svg Commons har multimedia som gjeld: Aleksandr Litovsjenko