Aleksej Krutsjonykh

Frå Wikipedia – det frie oppslagsverket
Gå til: navigering, søk

Aleksej Jelisejevitsj Krutsjonykh (russisk: Алексей Елисеевич Крученых) (21. juni 188617. januar 1968) var ein russisk poet.

Krutsjonykh studerte ved kunstskulen i Odessa. År 1912 gav han og Velimir Khlebnikov ut diktet Igra v adu som var illustrert av Kasimir Malevitsj. Saman med Khlebnikov vert Krutsjonykh rekna som oppfinnaren av kunstspråket zaum. Krutsjonykh skreiv elles librettoen til futuristoperaen Siger over sola, med kulissar laga av Kasimir Malevitsj.

I 1912 underskreiv Krutsjonykh dei russiske futuristane sitt manifest Ein øyrefik til den offentlege smaken. Året etter var han med og sende ut programskriftet Slovo kak takovo, der idéen om det transmentale språket vart lansert.

Truleg var Krutsjonykh den mest radikale poeten knytt til den russiske futurismen, ei rørsle som og Vladimir Majakovskij, David Burljuk og andre tok del i.

Han gifta seg med avantgarde-målaren Olga Rozanova i 1912.

Krutsjonykh sitt mest berømte dikt[endre | endre wikiteksten]

Zaum Omsetjing

Дыр бул щыл
убещур
скум
вы со бу
р л эз

Dyr bul shchyl
ubeshchur
skum
vy so bu
r l ez

(1913)