Alenfit skipreide
Alenfit (Olundfit) skipreide var ei av elleve skipreider i Nordhordland,[1] som stort sett femna om sørvestre delen av noverande Lindås kommune.
Geografisk område etter gammal inndeling:
- Alversund sokn (unnateke garden Fjellsenda)
- Seim sokn
- del av Lygra sokn (gardane vest for Lurefjorden og sør for Toptingasundet)
- del av Hamre sokn (gardane nord for Osterfjorden/Salhusfjorden og vest for Hellesvågen/Haukåsvatnet/Langavatnet)
- del av Sæbø sokn (Titlandsgardane)
Geografisk område etter noverande inndeling:
- del av Lindås kommune
- Alversund sokn (unnateke garden Fjellsenda)
- Seim sokn
- Lygra sokn (unnateke Lygra krins)
- del av Ostereide sokn (krinsane Øvstegarden og Leknes)
På Vestlandet vart skipreidene avløyste av tinglag først i begynninga av 1800-talet, og etterkvart vart grensene regulerte slik at dei samsvarte betre med sokne- og kommunegrensene. 1853 vart Alenfit tinglag oppløyst, og områda vart overført til Lindås tinglag, Hosanger tinglag og dei nye Hamre tinglag og Manger tinglag.
