Alf Baartvedt

Frå Wikipedia – det frie oppslagsverket
Alf Baartvedt
Statsborgarskap Noreg
Fødd 11. mars 1843
Fusa kommune
Død

5. januar 1903 (59 år)
Aukra kommune

Yrke prest, lærar

Alf Baartvedt (fødd 11. mars 1843 i Fusa, død 5. januar 1903 i Aukra)[1][2] var ein norsk prest og lærar.[3] Han blei peikt ut i Fedraheimen som «den fyrste Presten, som hev skrevet Skulebøkar paa Norsk.»[4]

Bakgrunn og familie[endre | endre wikiteksten]

Alf Baartvedt fødd på småbruket Baartvedt (no Bårtveit) i Fusa som son av Torkel Olsen Baartvedt og Kristi Olsdotter.[1][5] Han utdanna seg først til skulelærar på Stord (1861-63) og tok så latinskulen til Heltberg (1866-67), før han studerte teologi ved Universitetet i Kristiania (1867-71).[6]

Han var gift med Lilla Baartvedt.[2]

Arbeid og verk[endre | endre wikiteksten]

Baartvedt arbeidde først som lærar heime på Fusa i to år. Som nyutddana prest verka han i Minnesota i USA frå 1872 til 1874. Han vende tilbake til Noreg og underviste ei tid ved Gjøvik Borgerskole.[7] Han hadde stillinga stiftskapellan i Trondheim frå 1877 til 1885, og var deretter sokneprest i Akerø (Aukra) i Romsdal frå 1885 til 1902.[6]

Baartvedt gjekk inn for venstrepolitikk, og var med på skipinga av fylkesparti for Møre og Romsdal.[8]

I 1882-83 gav Alf Baartvedt ut to kristne lærebøker på landsmål.

Verkliste[endre | endre wikiteksten]

  • Kristeleg barnelæra etter Luters katekisma (Kristiansund, 1882)
  • Kristeleg tru og livnad : ei kortfattad lære-historisk handbok for skule og heim (Kristiansund, 1882/1883)

Kjelder[endre | endre wikiteksten]

Fotnotar
  1. 1,0 1,1 Ministerialbok for Os 1839-1851
  2. 2,0 2,1 Folketeljinga frå 1900, arkivert frå originalen 26. oktober 2015, henta 11. januar 2011 
  3. aasentunet.no
  4. J. Vellesen, Omtale av Kristeleg Tru og Livnad... i Fedraheimen, 03.11.1883.
  5. Folketeljinga frå 1865, arkivert frå originalen 26. oktober 2015, henta 11. januar 2011 
  6. 6,0 6,1 Luther College Archives, arkivert frå originalen 10. mars 2012, henta 11. januar 2011 
  7. Folketeljinga i 1875, arkivert frå originalen 26. oktober 2015, henta 11. januar 2011 
  8. Kristiansund Venstre 125 år ved venstre.no

Bakgrunnsstoff[endre | endre wikiteksten]