Alvesmettar
| Alvesmettar | ||
|
|
||
| Systematikk | ||
| Rike: | Animalia | |
| Rekkje: | Chordata | |
| Klasse: | Aves | |
| Orden: | Passeriformes | |
| Familie: | Maluridae | |
| Slekter | ||
|
||
| Vitskapleg namn | ||
| Maluridae
Swainson, 1831
|
||
Alvesmettar, vitskapleg namn Maluridae, er ein biologisk familie av små, insektetande sporvefuglar endemiske til Australia og Ny-Guinea. Jamvel om dei ber fellesnamnet 'smett', er dei ikkje relatert til gjerdesmettar på den nordlege halvkula. Familien inkluderer tre emusmettar og ti grassmettar.
Innhaldsliste |
Skildring [endre]
Alvesmettar er små til mellomstore fuglar, finst i mange ulike miljø, frå regnskog til ørken, men dei fleste artane lever i grasland eller krattskog. Grassmettar er godt kamuflerte med svart og brunt mønster, men andre artar har ofte briljant farga fjørdrakt, spesielt hannar.[1]
Dei er insektetande, og typisk beitar dei i kratt. Dei byggjer kuppelforma reir i område med tett vegetasjon, og det er ikkje uvanleg at ungfuglar held seg i reiret for å hjelpe til med kommande kull.[1]
Alvesmettar er kjent for fleire spesielle åtferdsmessige eigenskapar. Dei er sosialt monogame, men seksuelt promiskuøse, noko som tyder at sjølv om dei dannar par, vil kvar partnar pare seg med andre individ og til og med medverke til omsut for ungar i slike ekstrapar. Hannar av fleire artar plukkar kronblad med iaugefallande fargar og syner dei til hofuglar.
Songen av alvesmettar er samansett, og minst to artar har, i tillegg til varselkall, ein annan stemmebruk som nyttast i møte med predatorar som slaktarfuglar. Denne songliknande lydytringa nemnast «type II vokalisering».
Systematikk og artsliste [endre]
Tidlegare var alvesmettar klassifiserte på ymse vis. Over tid har alvesmettar vore medlemmar av flugesnapparfamilien, songarfamilien og timalfamilien. Med morfologisk arbeid og dei store framstega i DNA-analysar mot slutten av 1900-talet, vart posisjonen deira klår: Maluridae er ein av dei mange familiane som har vakse fram frå den store «corvid-strålinga» i Australasia. Dei næraste slektningane deira er honningetarar, Meliphagidae, og diamantfuglar, Pardalotidae.[2][3] Den openberre likskapen til gjerdesmettar i Europa og Amerika er ikkje genetisk, men berre konsekvensen av konvergent evolusjon mellom meir eller mindre urelaterte artar som deler den same økologiske nisjen.
Alvesmettar i rekkjefølgje etter Clementslista versjon 6.5 frå desember 2010 [4] med norske namn etter Norske navn på verdens fugler. [5]
Slekt Clytomyias
- Rustalvesmett, Clytomyias insignis
Slekt Sipodotus
- Langnebbalvesmett, Sipodotus wallacii
Slekt Malurus
- Breinebbalvesmett, Malurus grayi
- Kvitskulderalvesmett, Malurus alboscapulatus
- Raudryggalvesmett, Malurus melanocephalus
- Kvitvengalvesmett, Malurus leucopterus
- Blåalvesmett, Malurus cyaneus
- Indigoalvesmett, Malurus splendens
- Svartbrystalvesmett, Malurus lamberti
- Fageralvesmett, Malurus amabilis
- Edelalvesmett, Malurus elegans
- Praktalvesmett, Malurus pulcherrimus
- Purpurkronealvesmett, Malurus coronatus
- Koboltalvesmett, Malurus cyanocephalus
Slekt Stipiturus
- Krattemusmett, Stipiturus malachurus
- Rustkroneemusmett, Stipiturus ruficeps
- Brunkroneemusmett, Stipiturus mallee
Slekt Amytornis
- Slettegrassmett, Amytornis textilis
- Steingrassmett, Amytornis purnelli
- Kalkadoongrassmett, Amytornis ballarae
- Svartgrassmett, Amytornis housei
- Stripegrassmett, Amytornis striatus
- Kvitstrupegrassmett, Amytornis woodwardi
- Carpentariagrassmett, Amytornis dorotheae
- Korthalegrassmett, Amytornis merrotsyi
- Kvitbryngrassmett, Amytornis barbatus
- Sandgrassmett, Amytornis goyderi
Kjelder [endre]
- Denne artikkelen byggjer på «Maluridae» frå Wikipedia på engelsk, den 24. januar 2011. Artikkelen nytta følgjande referansar:
- Del Hoyo, J.; Elliot, A. & Christie D., ed (2007). Picathartes to tits and chickadees. Handbook of the Birds of the World. Band 12. Barcelona: Lynx edicions. ISBN 978-84-96553-42-2.
- ↑ 1,0 1,1 Garnett, Stephen (1991). Forshaw, Joseph. ed. Encyclopaedia of Animals: Birds. London: Merehurst Press. ss. 196. ISBN 1-85391-186-0.
- ↑ Barker, FK; Barrowclough GF, Groth JG (2002). «A phylogenetic hypothesis for passerine birds; Taxonomic and biogeographic implications of an analysis of nuclear DNA sequence data». Proc. R. Soc. Lond. B 269 (1488): 295–308. doi:10.1098/rspb.2001.1883. PMC 1690884. PMID 11839199.
- ↑ Barker, FK; Cibois A, Schikler P, Feinstein J, Cracraft J (2004). «Phylogeny and diversification of the largest avian radiation» (PDF). Proc. Natl. Acad. Sci. USA 101 (30): 11040–11045. doi:10.1073/pnas.0401892101. PMC 503738. PMID 15263073.
- ↑ Clements, J. F., T. S. Schulenberg, M. J. Iliff, B.L. Sullivan, and C. L. Wood (20. desember 2010) (Excel spreadsheet), The Clements checklist of birds of the world: Version 6.5, Cornell Lab of Ornithology, http://www.birds.cornell.edu/clementschecklist/Clements%206.5.xls/view, henta 2. januar 2011
- ↑ Syvertsen, P. O., Ree, V., Hansen, O. B., Syvertsen, Ø., Bergan, M., Kvam, H., Viker, M. & Axelsen, T. 2008. Virksomheten til Norsk navnekomité for fugl (NNKF) 1990-2008. Norske navn på verdens fugler. Norsk Ornitologisk Forening sin nettstad (publisert 22.5.2008)
Bakgrunnsstoff [endre]
- Videoar, bilete og lydopptak av alvesmettar hos Internet Bird Collection
