Amazonpapegøyar
| Amazonpapegøyar | ||
|
|
||
| Systematikk | ||
| Rike: | Animalia | |
| Rekkje: | Chordata | |
| Klasse: | Aves | |
| Orden: | Psittaciformes | |
| Familie: | Psittacidae | |
| Slekt: | Amazona | |
| Artar | ||
|
||
| Vitskapleg namn | ||
| Amazona | ||
Amazonpapegøye er det vanlege namnet for ein papegøye av slekta Amazona. Dette er mellomstore papegøyar med naturleg leveområde i «den nye verda», frå Sør-Amerika til Mexico og Karibia.
Dette er ganske store, grøne papegøyar med karakteristiske fargemønster i ansiktet og vanlegvis ein farga speculum vengspegel på armsvingfjørene, hovudsakleg synlege i flukt. Mange har ein naken kvit eller lys augering og nokre få har raudt på skuldrene. Kvar art har sitt karakteristiske rop, utan lætet kan det vere vanskelege å fastsetje arten.[1]
Karakteristisk for alle i slekta er flukta som går høgt, med stive og korte vengeslag.[1] Dei flyg ofte parvis i store flokkar mellom staden for beiting og for nattkvile. Halane er noko rektangulært forma. Dei beitar oppe i trekronene[1] og lever hovudsakleg på frø, nøtter og frukt, supplert med lauvverk.
Amazonpapegøyar varierer i storleik frå ca. 25 cm til 45 cm, dei fleste er relativt store papegøyar, frå ca. 30 til 38 centimeter i lengd. Dei minste artane er kvitpanneamazon,[2] som lever i Mexico og Mellom-Amerika, og dvergamazon,[3] endemisk til Jamaica. Den største er keisaramazon, ein trua art, endemisk til Dominica.[4]
Mange amazonpapegøyar har ei oppsiktsvekkjande evne til å etterlikne menneskeleg tale og andre lydar. Delvis på grunn av dette er dei populære som kjæledyr eller burfuglar, og ein liten industri er utvikla med avlspapegøyar i fangenskap for denne marknaden. Denne populariteten har ført til at mange papegøyar blir tatt ut frå naturen i den grad at nokre artar har vorte truga. For å verne ville populasjonar, har CITES-traktatar har gjort fangst ville papegøyar for handel ulovleg.
Artslista [endre]
Amazonpapegøyar i rekkjefølgje etter Clementslista versjon 6.6 frå august 2011 [5] med norske namn etter Norske navn på verdens fugler. [6]
- Kvitpanneamazon, Amazona albifrons
- Gultygelamazon, Amazona xantholora
- Kubaamazon, Amazona leucocephala
- Rosenstrupeamazon, Amazona collaria
- Hispaniolaamazon, Amazona ventralis
- Puertoricoamazon, Amazona vittata
- Dvergamazon, Amazona agilis
- Oreamazon, Amazona tucumana
- Skjelgranamazon, Amazona pretrei
- Grønkinnamazon, Amazona viridigenalis
- Lillakroneamazon, Amazona finschi
- Gulkinnamazon, Amazona autumnalis
- Eldhaleamazon, Amazona brasiliensis
- Blåkinnamazon, Amazona dufresniana
- Flammemaskeamazon, Amazona rhodocorytha
- Raudryggamazon, Amazona festiva
- Gulmaskeamazon, Amazona barbadensis
- Blåpanneamazon, Amazona aestiva
- Grimeamazon, Amazona kawalli
- Oransjevengamazon, Amazona amazonica
- Andesamazon, Amazona mercenaria
- Melamazon, Amazona farinosa
- Vinamazon, Amazona vinacea
- Gulhovudamazon, Amazona oratrix
- Gulnakkeamazon, Amazona auropalliata
- Gulkroneamazon, Amazona ochrocephala
- Dominicaamazon, Amazona arausiaca
- Saintluciaamazon, Amazona versicolor
- Kongeamazon, Amazona guildingii
- Keisaramazon, Amazona imperialis
Kjelder [endre]
- Denne artikkelen dels byggjer på «Amazon parrot» frå Wikipedia på engelsk, den 26. februar 2012
- Ridgeley, Robert S. Paul J. Greenfield, The Birds of Ecuador vol II, Christopher Helm London (2001) ISBN 0-7136-6117-8</
Referansar [endre]
- ↑ 1,0 1,1 1,2 Ridgeley, Robert et al, side 199
- ↑ World Association of Zoos and Aquariums White-fronted amazon Lest 28. februar 2012
- ↑ BirdLife Species Factsheet: Om dvergamazon Lest 28. februar 2012
- ↑ BirdLife Species Factsheet: Om keisaramazon Lest 28. februar 2012
- ↑ Clements, J. F., T. S. Schulenberg, M. J. Iliff, B.L. Sullivan, and C. L. Wood (august 2011) (Excel spreadsheet), The Clements checklist of birds of the world: Version 6.6, Cornell Lab of Ornithology, http://www.birds.cornell.edu/clementschecklist/Clements%20Checklist%206.6.xls/view, henta 7. januar 2012
- ↑ Syvertsen, P. O., Ree, V., Hansen, O. B., Syvertsen, Ø., Bergan, M., Kvam, H., Viker, M. & Axelsen, T. 2008. Virksomheten til Norsk navnekomité for fugl (NNKF) 1990-2008. Norske navn på verdens fugler. Norsk Ornitologisk Forening sin nettstad (publisert 22.5.2008)
