Amund

Amund er eit mannsnamn, av norrønt Ǫgmundr, av ag 'sverd' og -mund, 'vernar', eller namnet kan vere av norrønt Ámundi, av á 'svært' og -mund, 'vernar'. Sideformer av namnet er Ommund og Åmund.

Amund har i Noreg namnedag 20. desember.

Bruken av namnet i Noreg

Utbreiinga av namnet var minkande heile første halvdelen av 1900-talet, men etter andre verdskrigen vart namnet meir populært att.

• I folketeljinga frå 1801 var det 3129 som hadde namnet i formene Amun, Amund, Amunds
• I 1900 var det 2556 personar som var listeførte med namneformene Amun, Amund, Amunds, Amundur, Amundus
• I 2008 var det 2061 som hadde Amun(d) til første fornamn

Kjende namneberarar

• Amund Bredesen (1800-1842), norsk stortingsmann
• Amund Olsen Huser (1827-1895), norsk stortingsmann
• Amund Helland (1846-1918), norsk geolog og politikar
• Amund B. Larsen (1849-1928), norsk målføregranskar
• Amund Sjøbrend (f. 1952), norsk skeiseløpar
• Amund Djuve (f. 1963), redaktør i Dagens Næringsliv
• Amund Skiri (f. 1978), norsk fotballspelar

Kjelder

• Olav Veka: Namneboka, Det Norske Samlaget 1991

• Søk etter norsk namnestatistikk for Amund hjå Statistisk Sentralbyrå
• Folketeljingar i Digitalarkivet