And Your Bird Can Sing

Frå Wikipedia – det frie oppslagsverket
Gå til: navigering, søk

«And Your Bird Can Sing» er ein song av den engelske rockegruppa The Beatles, og vart første gong gjeven ut på albumet Revolver i 1966. Songen vart skriven av John Lennon, men er på sedvanleg vis tilskriven Lennon/McCartney. Arbeidstittelen på songen var «You Don't Get Me».

Teksten, med tilsynelatande gåtefulle referansar til grøne fuglar, kjære eigendelar og sju underverk, kan kanskje vere ein psykedelisk inspirert visjon av røynda.

Lennon har seinare referert til songen som «skrekkeleg» og «eit venstrehandsarbeid» og kalla han «ei tom eske med flott innpakkingspapir». I eit stort intervju med magasinet Playboy uttalte Lennon kort før han døydde at han sjølv vurderte denne songen som sin dårlegaste nokon gong, med unntak av «Dig a Pony».

Innspelinga har den same særeigne gitarlyden som pregar resten av Revolver, og vert innleia med ein karakteristisk tostemt gitarintro spelt av George Harrison og Paul McCartney. Innspelinga vart gjort den 26. april 1966.

Medverkande[endre | endre wikiteksten]

Kjelder[endre | endre wikiteksten]

Bakgrunnsstoff[endre | endre wikiteksten]