Andersnatten

Andersnatten
Høgd over havet	733 moh
Ligg i/på	Sigdal (Buskerud)
Fjellkjede	Ådalsfjella
Koordinatar	60°7′1.38″N 9°25′9.65″E

Andersnatten (733 moh.) er eit fjell i Sigdal kommune i Buskerud fylke.

Søraustveggen av Andersnatten er ein populær klatrevegg. Den første ruta vart gått i 1942 av Einar Hoff Hansen og Egmont Nørregaard. Om vinteren frys delar av veggen til is og vert ei fin rute for isklatring. Den kvite stripa er den mest kjende ruta. Marius Morstad og Ralph Høibakk gjekk denne karakteristiske kvite linja i 1982. Ruta er totalt seks taulengder og er stort sett sikra med naturlege sikringar. Sva-partiet har borreboltar. Den mest kjende segna om namnet på stripa er at ein kar med namn Anders sette utfor søraustveggen på ski og stripa er skisporet hans.

Andersnatten gjev landskapet ein spesiell karakter og var eit ynda motiv for Theodor Kittelsen.

Denne geografiartikkelen som har med Buskerud å gjere er ei spire. Du kan hjelpe Nynorsk Wikipedia gjennom å utvide han.