Andreas Aarflot

Frå Wikipedia – det frie oppslagsverket

Gå til: navigering, søk

Andreas Aarflot (fødd 1. juli 1928 i Yiyang i Hunan) er ein norsk teolog og biskop emeritus i Den norske kyrkja.

Aarflot vart fødd i Kina der mor og far hans tente for Det norske misjonsselskapet i provinsen Hunan.

Han er cand. theol. frå Det teologiske menighetsfakultet (1951) og dr. theol. frå Universitetet i Oslo (1970). Han har hatt studieopphald i Heidelberg i Tyskland, i England og i USA og er æresdoktor ved St. Olaf College (1987) og æresmedlem av Finska kyrkohistoriska sällskapet (1978).

Aarflot har mellom anna arbeida for Den norske sjømannsmisjonen og Indremisjonsselskapet og gjort presteteneste i Røyken. Han var tilknytt Menighetsfakultetet som stipendiat (1960), fakultetslektor (1968) og dosent (1970) før han vart professor i 1976. Same år vart han oppnemnd til biskop i Borg bispedømme etter at Per Lønning trekte seg i protest mot abortlovgjevinga. I 1978 etterfølgde han Kaare Støylen som biskop i Oslo og preses i bispemøtet.

I eigenskap av preses heldt han preika under signinga av Kong Harald V i Nidarosdomen 23. juni 1991.

Aarflot vart som biskop rekna som moderat konservativ og høyrde til sentrum av Den norske kyrkja teologisk.

Han vart etterfølgd som biskop i Oslo av Gunnar Stålsett; utnemninga av Stålsett skapte debatt.

I 1979 vart biskop Aarflot utnemnd til kommandør med stjerne av St. Olavs Orden.

[endre] Bibliografi (utval)

Denne artikkelen bygger på «Andreas Aarflot» frå Wikipedia på bokmål, den 22. oktober 2008.

Føregjengar: Per Lønning	Luthersk biskop av Borg (1976–1978)	Etterfylgjar: Gunnar Lislerud
Føregjengar: Kaare Støylen	Preses i Den norske kyrkja (1977–1998)	Etterfylgjar: Odd Bondevik
Føregjengar: Kaare Støylen	Luthersk biskop av Oslo (1977–1998)	Etterfylgjar: Gunnar Stålsett