Andreas Holm

Andreas Holm
	Andreas Holm
Fødd	24. april 1827; Kristiansand kommune
Død	4. februar 1886 (58 år)
Statsborgar av	Noreg
Parti	Venstre
Yrke	politikar
Alle verv	stortingsrepresentant (1874–1876); ordførar; vararepresentant til Stortinget (1868–1870); stortingsrepresentant (1877–1879); stortingsrepresentant (1880–1882); stortingsrepresentant (1883–1885) ;

Andreas Theodor Holm (24. april 1827–4. februar 1886) var ein norsk landhandlar, ordførar og stortingsmann frå Kristiansand.

Holm var son til ein skipper. I yngre år var han kontorist hos sorenskrivaren i Herefoss. År 1852 kjøpte han sorenskrivargarden på Nes i Herefoss, der han sidan dreiv landhandel. Holm var ordførar i Herefoss frå 1858 til 1885. Attåt hadde han ei mengd kommunale verv. Også amtsrevisor i mange år.

Holm representerte Nedenes amt på Stortinget frå 1874 til 1885. Både i 1883 og 1885 vart han permittert, frå høvesvis 29. mars og 14. mars, begge gongane grunna sjukdom. Heile si stortingstid var han medlem av vegkomiteen. Frå 1880 var han også medlem av Lagtinget.

Vinteren 1886 døydde han i heimen sin i Herefoss.

Kjelder[endre | endre wikiteksten]

Lindstøl, Tallak: Stortinget og Statsraadet 1814-1914. Kristiania, 1914
Biografisk informasjon om Andreas Holm NSD Norsk senter for forskningsdatas politikararkiv