Andres Grindland

Frå Wikipedia – det frie oppslagsverket
Andres Grindland
Fødd21. september 1854
Død3. mai 1924 (69 år)
Statsborgar avNoreg
Yrkepolitikar
Alle verv
  • stortingsrepresentant (1910–1912)
  • vararepresentant til Stortinget (1900–1903)
  • vararepresentant til Stortinget (1903–1906)
  • vararepresentant til Stortinget (1906–1909) Sjå dette på Wikidata

Andres Jonsson Grindland (21. september 18543. mai 1924) var ein ein lærar, jurist, journalist og stortingsmann frå Finsland i Vest-Agder. Han var medlem av Venstre.

Grindland var son til ein gardbrukar. Sjølv vart han seminarist frå Holt i 1875, og var dei neste fire åra lærar. Han vart student i 1880 og cand. jur. i 1886. Frå 1886 var han overrettssakførar i Kristiansand, ei tid også redaktør av Fædrelandsvennen. I 1911 vart han sorenskrivar i Setesdal.

Grindland var medlem av Kristiansand bystyre i fleire år, og formann i skulestyret i byen frå 1901-08. Heile tida frå 1900 til 1909 var han 1. varamann til Stortinget. Etter Johannes Hougen fekk sete i regjeringa sommaren 1909, møtte Grindland på Stortinget. Han var medlem av budsjettkomiteen. Valperioden 1910-12 var han fast stortingsrepresentant for Baneheia krins. Då var han sekretær i justiskomiteen, og det meste av perioden også av Lagtinget.

Kjelder[endre | endre wikiteksten]