Andy Murray
| Andy Murray | ||
| Personleg informasjon | ||
|---|---|---|
| Fødd | 15. mai 1987 (26 år),  Skottland Glasgow i Skottland |
|
Andrew Murray (fødd 15. mai 1987) er ein britisk tennisspelar frå Glasgow i Skottland. Han var rangert som den andre beste tennisspelaren i verda i 2009, og som nummer 4 i verda i 2011.[1]
Under sommar-OL 2012 vann Andy Murray gull i tennis for menn singel og sølv i blanda par. Han har nådd finalen i fire Grand Slam-turneringar: US Open i 2008, Australian Open i 2010 og 2011 og Wimbledon-turneringa i 2012, men tapte alle fire, tre av dei for Roger Federer og ein for Novak Đoković.
Innhaldsliste |
Bakgrunn [endre]
Andy Murray er son av Will og Judy Murray. Familien var over middels interessert i idrett.[2] Morfaren hans, Roy Erskine, var profesjonell fotballspelar for Hibernian, Stirling Albion og Cowdenbeath.[3][4][5][6] Bror hans, Jamie Murray, er også profesjonell tennisspelar, mest i par-turneringar.[7] Etter at foreldra skilde lag då han var ni budde Andy og Jamie med faren.[8] Murray var elev ved Dunblane High School, og opplevde Dunblane-massakren i 1996.[9][2]
Som 15-åring blei Murray spurt om han ville trena med Rangers Football Club på deira fotballakademi, men takka nei for å kunna satsa på tenniskarriera i staden.[10]
Karriere [endre]
Andy Murray kom inn på topp-10-lista til Association of Tennis Professionals for første gong den 16. april 2007. Han har vore i semifinalen i fleire Grand Slam-turneringar, seinast i Australian Open 2012, der han tapte for Novak Đoković i fem sett. Murray har spelt på det britiske Davis Cup-laget i åra 2005–2007. Han har spelt totalt tolv Davis Cup-kampar, og har vunne sju.
Då Andy Murray tok OL-gull i 2012 var det første gong ein mannleg britisk tennisspelar oppnådde dette sidan 1908. Då han kom fram til finalen i Wimbedon-turneringa i 2012 var det første gong på 74 år ein britisk mann hadde oppnådd dette.[11]
Resultat [endre]
Olympiske leikar [endre]
Singel: 1 (1–0) [endre]
| Resultat | År | Meisterskap | Dekke | Motstandar | Skår |
|---|---|---|---|---|---|
| Vinnar | 2012 | Sommar-OL | Gras |  Roger Federer |
6–2, 6–1, 6–4 |
Mixed double: 1 (0–1) [endre]
| Outcome | År | Meisterskap | Dekke | Partner | Motstandarar | Skår |
|---|---|---|---|---|---|---|
| Andreplass | 2012 | Sommar-OL | Gras |  Laura Robson |
 Victoria Azarenka Max Mirnyi |
6–2, 3–6, [8–10] |
Grand Slam [endre]
Singel: 4 (0 titlar, 4 gonger tapande finalist) [endre]
| Resultat | År | Turnering | Dekke | Motstandar i finalen | Skår i finalen |
|---|---|---|---|---|---|
| Tapande finalist | 2008 | US Open | Hardcourt | Roger Federer |
2–6, 5–7, 2–6 |
| Tapande finalist | 2010 | Australian Open | Hardcourt | Roger Federer |
3–6, 4–6, 6–7(11–13) |
| Tapande finalist | 2011 | Australian Open(2) | Hardcourt |  Novak Đoković |
4–6, 2–6, 3–6 |
| Tapande finalist | 2012 | Wimbledon | Grass | Roger Federer |
4-6, 7-5, 6-3, 6-4 |
Privatliv [endre]
Murray er sambuar med Kim Sears, som ofte er til stades under kampane hans.
Helseproblem [endre]
Murray har delt kneskjell («delt kneskål»), ein tilstand der kneskåla ikkje veks saman til eitt bein i tidleg barndom, men blir verande i to delar.[12] Han fekk diagnosen som 16-åring og tok då ein pause frå tennisen i eit halvår. Murray tek seg ofte til kneet under kampar og har også måtta trekka seg frå turneringar av same grunn.[13] Likevel klarer han seg rimele godt takka vere ulike behandlingar.[14]
Bakgrunnsstoff [endre]
Kjelder [endre]
- Denne artikkelen bygger på «Andy Murray» frå Wikipedia på bokmål, og «Andy Murray» frå Wikipedia på engelsk den 10. august 2012.
- ↑ Andy Murray: Player Profile, www.atpworldtour.com, http://www.atpworldtour.com/Tennis/Players/Top-Players/Andy-Murray.aspx, henta 29 August 2011. Nummer 2 frå 17. til 31. august 2009. Jago, Richard (15 August 2009), Murray reaches world #2, London, http://www.guardian.co.uk/sport/2009/aug/15/andy-murray-montreal-masters-jo-wilfried-tsonga, henta 16 August 2010
- ↑ 2,0 2,1 Simon Hattenstone (9 June 2007), Boy on the brink, UK, http://www.guardian.co.uk/sport/2007/jun/09/tennis.features, henta 17 March 2008
- ↑ Dunblane tastes regret along with its new favourite son, The Guardian, 26 June 2006
- ↑ MURRAY, Andy (GBR), International Tennis Federation profile.
- ↑ STIRLING ALBION : 1947/48 – 2008/09, Post War English & Scottish Football League A – Z Player's Database.
- ↑ COWDENBEATH : 1946/47 – 2008/09, Post War English & Scottish Football League A – Z Player's Database.
- ↑ ATP Doubles Rankings, Tennis Corner, 22 June 2009, http://www.tenniscorner.net/index.php?corner=m&action=rankings&type=doubles, henta 26 June 2009
- ↑ Malcolm Folley and Patricia Kane (5 July 2009), What really upset Andy? The day that Judy walked out on us, UK, http://www.dailymail.co.uk/femail/article-1197595/Tennis-stars-father-reveals-What-really-upset-Andy-The-day-Judy-walked-us.html, henta 5 July 2009
- ↑ Andreas Budalen (05.08.2012), Unnslapp skolemassakre som niåring - i dag spiller han OL-finale, http://www.nrk.no/nyheter/1.8269544
- ↑ McCarthy, David (19 June 2009), Andy Murray: Quitting my football dream for tennis was hard but it proved the right decision, http://www.dailyrecord.co.uk/sport/tennis-news/2009/06/19/andy-murray-quitting-my-football-dream-for-tennis-was-hard-but-it-proved-the-right-decision-86908-21453428/
- ↑ Steinar Andre Danielsen (29.07.2012), NRKs tennisekspert om Andy Murray:– Han er ekstremt uheldig, http://www.nrk.no/sport/meisterskap/london_2012/1.8261306; Nicolay Andre Ramm, Her blir han historisk, http://www.nrk.no/sport/meisterskap/london_2012/1.8261306
- ↑ About Orthopedics – Patella disorders, Orthopedics.about.com, http://orthopedics.about.com/od/kneecappatelladisorders/g/bipartite.htm, henta 26 June 2009
- ↑ Hodgkinson, Mark (31 January 2008). «Daily Telegraph, 30 January 2008, Profile of Andy Murray». The Daily Telegraph (London).
- ↑ Ornstein, David (26 May 2010), Insider view on Murray's knee trouble, http://news.bbc.co.uk/sport1/hi/tennis/8704999.stm, henta 21 August 2010
