Anne Kristin Sydnes
Anne Kristin Sydnes (fødd 13. mai 1956) er ein norsk politikar frå Arbeidarpartiet, fødd i Oslo. Ho er cand.polit. med hovudfag i statsvitskap.
Ho var 1985-1995 forskar, og 1995-1997 assisterande direktør ved Fridtjof Nansens institutt. Frå 1997 var ho direktør i Statoil med spesialansvar for menneskerettsspørsmål og landanalysar.
I tida 17. mars 2000 til 19. oktober 2001 i Jens Stoltenberg si første regjering var Anne Kristin Sydnes statsråd i Utanriksdepartementet. Fram til 5. mai 2000 var embetet kalla statsråd med ansvar for bistandssaker (bistandsminister), deretter vart dette endra til statsråd med ansvar for utviklingssaker (utviklingsminister).
Ho har vore utanlandssjef i Kirkens Nødhjelp sidan 2007.
Anne Kristin Sydnes er gift med diplomaten og Arbeidarparti-politikaren Jan Egeland, direktør for Norsk Utenrikspolitisk Institutt. Ho har tidligare vore gift med næringslivsmannen og høgrepolitikaren Terje Osmundsen.
[endre] Kjelder
- Anne Kristin Sydnes hos Stortinget.no, vitja 18. april 2010
- Store norske leksikon, snl.no, «Anne Kristin Sydnes»
| Norske utviklingsministrar | |
|---|---|
| Reidun Brusletten (1983-86) · Vesla Vetlesen (1986-88) · Kirsti Kolle Grøndahl (1988-89) · Tom Vraalsen (1989-90) · Grete Faremo (1990-92) · Kari Nordheim-Larsen (1992-97) · Hilde Frafjord Johnson (1997-2000) · Anne Kristin Sydnes (2000-01) · Hilde Frafjord Johnson (2001-05) · Erik Solheim (2005-12) · Heikki Holmås (2012- ) |
