Arabarhest

Frå Wikipedia – det frie oppslagsverket
Arabarhest i galopp
Leikande arabarhest.

Arabarhest er ein hesterase med opphav i Arabia i Midt-Austen. Han er rekna som ein varmblodshest med eit energisk temperament.

Skildring[endre | endre wikiteksten]

Arabarhesten har lite, kileforma hovud med konkav eller rett profil. Haleføringa er høg. Heilskapsinntrykket skal vere elegant og røyrslene frie. Hesten er svært rask og uthaldande.

Historie[endre | endre wikiteksten]

Det skal ha vore beduinar, arabiske ørkennomadar, som fyrst dreiv avl på arabarhest. I beduinsamfunna var arabarhesten høgt skatta. For at ørkenhesten ikkje skulle endre seg, men vere slik Gud hadde skapt han, vart andre hesteslag ikkje brukt i avlen. Etterkvart vart det meir kontakt over landegrensene. Arabarhestar vart gjevne som gåver frå ottomanske herskarar til statsoverhovud i Europa. Slik spreidde arabarhesten seg, og mange andre hesterasar fekk innslag av arabisk blod. Engelsk fullblodshest, percheron og russisk orlovtravar er døme på rasar som har arabarhestar bak i slekta.

Utbreiing[endre | endre wikiteksten]

Arabarhesten finst i dag over heile verda, mellom anna Storbritannia, USA, Polen, Russland, Brasil og ikkje minst statar i Midt-Austen.

Arabarhoppe med fole.

Bruk[endre | endre wikiteksten]

Opphavleg var arabarhesten ein lett stridshest. Hoppene vart foretrukne til denne bruken. I dag vert hestane nytta til mykje ulikt, mellom anna distanseriding.

Bakgrunnsstoff[endre | endre wikiteksten]

Kjelder[endre | endre wikiteksten]

«araberhest» i Store norske leksikon, snl.no.

Spire Denne dyreartikkelen er ei spire. Du kan hjelpe Nynorsk Wikipedia gjennom å utvide han.