Arbrå

Frå Wikipedia – det frie oppslagsverket

Koordinatar: 61°28′9.1236″N 16°22′31.058″E

Frå Åsparken i det sentrale Arbrå.
Vasskraftverket i Arbrå

Arbrå er ein svensk tettstad i Bollnäs kommun i Gävleborgs län i landskapet Hälsingland. I 2005 hadde tettstaden 2 262 innbyggjarar.

Fram til 1961 var Arbrå eigen kommune og municipalsamhälle i Hälsingland.

Historie[endre | endre wikiteksten]

Arbrå kommune vart danna i 1863. I 1907 vart kommunen delt i to, då stasjonsbyen danna eit municipalsamhälle i samband med at jarnbana vart lagt. Nabokommunen Undersvik blei i samband med storkommunereformen i 1952 ein del av Arbrå kommune. Ni år seinare, i 1961, blei Arbrå municipalsamhälle lagt ned, og stasjonsbyen vart igjen ein del av Arbrå.

Industri[endre | endre wikiteksten]

Arbrå var lenge åstad for ulike industriar, mellom anna fleire verkstader, ein skapprodusent og Forsbro textil. Arbrå ligg i Ljusnandalen og fekk tidleg sitt eige vasskraftverk. Sporane av vasskrafta er framleis godt synlege i dei nesten tørrlagde bekkene som omgjev Forsön i det sentrale Arbrå. Det finst spor av tidlege demningar, og sidan 1900-åra, har eit relativt stort vasskraftverk, Norränge kraftstation, lege like nord for tettstaden. Derfrå blir vatnet leidd frå Ljusnan ned i ein tunnel som har utløpet sitt på sørsida av Forsön. Fortums kundeservice har hovudkvarteret sitt i Arbrå. Dette kontoret var tidlegare hovudkontor for Hälsingekraft. Her arbeider i dag ca 200 personar.

Idrettsliv[endre | endre wikiteksten]

Idrettslivet i Arbrå har sterke tradisjonar, mest kjend er handballklubben, der damelaget spelar i 2. divisjon (2009). I tillegg er det både ski- og fotballklubbar. ikkje langt unna ligg hoppbakken Koldemoåsen, ein av dei første i Hälsingland.

Kjende personar frå Arbrå[endre | endre wikiteksten]

Kjelder[endre | endre wikiteksten]

Bakgrunnsstoff[endre | endre wikiteksten]