Arild Sandvold

Arild Edvin Sandvold (2. juni 1895–12. august 1984) var ein norsk organist og komponist frå Oslo. Størstedelen av virket sitt gjorde han som organist i Oslo domkyrkje og som orgellærar på Oslo Musikkonservatorium (no Noregs Musikkhøgskule) i meir enn 50 år.

Sandvold studerte først nokre år i Oslo, før han reiste til Leipzig der han lærte orgelspel hjå Karl Straube. I Leipzig høyrde Sandvold Max Reger sin orgelmusikk, som fekk stor påverknad på han. Denne påverknaden kjem tydelegast fram i det store orgelverket Introduktion og Passacaglia, som er særs omtykt òg i dag.

Utmerkingar

• I 1949 ble Sandvold utnemnt til ridder av 1. klasse av St. Olavs Orden
• I 1953 blei han utnennt til ridder av 1. klasse av Finlands løves orden.
• I 1964 blei han utnemnt til medlem av det svenske Kungliga Musikaliska Akademien.
• I 1965 forfremja til kommandør av St. Olavs Orden.
• I 1978 fekk han Lindemanprisen.