Arne Hoel
| Arne Hoel | |
|
| |
| Statsborgarskap | Noreg |
| Fødd | 5. april 1927 Buskerud fylke |
| Død |
10. september 2006 (79 år) |
| Idrett | skihopping |
| Tok del i | |
| Utmerkingar | |
Arne Hoel (5. april 1927–24. september 2006) var ein norsk skihoppar, fødd i Skoger i Buskerud. Han vert særleg hugsa for sin tre sigrar i Holmenkollen, i høvesvis 1948, 1951 og 1959. Noregsmeister vart han ein gong, i 1956. Fem år tidlegare vann han NM-sølv. Hoel representerte både Ski- og fotballklubben Lyn og Idrettslaget Varg i Oslo. Han døydde i Oslo.
Hoel vart nummer seks under vinter-OL 1952 i Oslo, og nummer 11 i vinter-OL 1956 i Cortina d'Ampezzo. Han kom han på 13. plass under verdsmeisterskapen 1958 i Lahti.
Hoel slo gjennom då han vann hopprennet i Svenska skidspelen i 1947. I 1954 vart hopprennet i Holmenkollen avlyst, Hoel vann ei tevling i Holmenkollbakken seinare i sesongen, eit renn som ikkje vert rekna som eit Holmenkollrenn. To år etter vart han nummer to i Holmenkollrennet, bak den ferske olympiameisteren, Antti Hyvärinen.
Etter jamn, god hopping i den tysk-austerrikske hoppveka 1958/59 enda Hoel samanlagt på tredjeplassen, bak Helmut Recknagel frå DDR og austerrikaren Walter Habersatter.
Besteplasseringar i internasjonale meisterskap og renn[endre | endre wikiteksten]
- 1947: Siger i Svenska skidspelen
- 1948: Siger i Hollmenkollrennet
- 1951: Siger i Hollmenkollrennet, nr 2 i Svenska skidspelen i Sundsvall
- 1952: Nr 6 under OL i Holmenkollen. Nr 3 i Holmenkollrennet
- 1955: Nr 15 i Holmenkollen
- 1956: Nr 2 i Hollmenkollen. Nr 11 i OL i Cortina d'Ampezzo
- 1957: Nr 9 i Holmenkollen
- 1958: Nr 5 i Holmenkollen. Nr 13 under VM i Lahti
- 1959: Siger i Hollmenkollen
Medaljar og besteplasseringar i noregsmeisterskap[endre | endre wikiteksten]
- Ski-NM 1950: Nr 6 i NM i Skuibakken i Bærum
- Ski-NM 1951: Sølvmedalje i Narvik
- Ski-NM 1952: Nr 5 i Porsgrunn
- Ski-NM 1956: Gullmedalje i Drammen
- Ski-NM 1958: Nr 5 i Oslo
- Ski-NM 1959: Nr 5 på Gjøvik
I 1956 vart Hoel tildelt Holmenkollmedaljen for sine bragder i Holmenkollen.
Bakgrunnsstoff[endre | endre wikiteksten]
- (en) Arne Hoel – Profil og resultatoversikt hos FIS
- Skiforeningens prisvinnerliste over Holmenkollmedaljen i PDF-format Arkivert 2007-09-26 ved Wayback Machine.