Arne Kjell Larsen

Frå Wikipedia – det frie oppslagsverket
Gå til: navigering, søk
Denne artikkelen handlar om kombinertløparen. For langrennsløparen, sjå Arne Larsen. For fotballspelaren, sjå Arne Larsen Økland.

Arne Kjell Larsen (fødd 23. desember 1937) er ein norsk tidlegare kombinertløpar frå Asker. Han representerte Heggedal IL.

Larsen deltok under vinter-OL 1960 i Squaw Valley, men tok ingen medaljar her. Under VM 1962 i Zakopane i Polen vart han verdsmeister i kombinert. Same året vann han i kombinert i Svenska skidspelen og dessutan NM både i kombinert og i skihopp. Den litt uvanlege skihoppstilen til Larsen var med armane strekte framover i svevet, lik dei tyske Helmut Recknagel og Max Bolkart.

Arne Larsen er den einaste kombinertløparen som har vorte noregsmeister i spesialhopp.

Arne Kjell Larsen tok del i vinter-OL 1964 i Innsbruck, men tok ingen medaljar heim frå dette OL-et heller. Men same året vann han i kombinert i Lahtispelen. Han vart tildelt Holmenkollmedaljen i 1965, og har i tillegg to kongepokalar. På sida av skikarrieren var Larsen bakar og dreiv Heggedal Bakeri.

Kjelder[endre | endre wikiteksten]