Arnold

Arnold er eit mannsnamn som kjem frå tysk, samansett av Arn- ’ørn’ og eit etterledd som tyder ’herskar’. Namnet var innlånt alt i norrønt, då som Arnaldr. Ei latinisert form er Arnoldus, ei moderne kortform er Arno.

Arnold har namnedag 1. desember.

Bruken av namnet i Noreg

• I folketeljinga i 1801 vart 36 personar manntalsførte med namnet Arnold, 21 med namnet Arnoldus. Somme andre variantar var òg brukte.
• I teljinga frå 1900 var det nær 570 personar som het Arnold, og om lag 120 som het Arnoldus. 3 het Arno.
• I 2008 er det nær 1 200 som har Arnold til første fornamn, 6 som heiter Arnoldus og vel 40 som heiter Arno.

Kjende namneberarar

• Arnold von Siemens (1853 - 1918), tysk industrileiar
• Arnold Schönberg (1874 - 1951), austerriksk komponist
• Arnold Weiberg-Aurdal (f. 1925), norsk lokalpolitikar
• Arnold Eidslott (f. 1926), norsk lyrikar
• Arnold Rüütel (f. 1928) estisk politikar og president
• Arnold Schwarzenegger (f. 1947) amerikansk skodespelar og politikar

Sjå òg

• Søk etter norsk namnestatistikk for Arnold hjå Statistisk Sentralbyrå
• Folketeljingar i Digitalarkivet

Andre kjelder

• Olav Veka: Namneboka (Det Norske Samlaget, 1991) ISBN 82-521-3604-4