Asbjørn Ruud

Asbjørn Ruud (6. oktober 1919–26. mars 1989) var ein skihoppar frå Kongsberg, og yngre bror til Birger og Sigmund. Dei var alle medlemer av Kongsberg IF.

Ruud overraska med å vinne verdsmeisterskapen 1938 i spesielt hopprenn i Lahti. Med 226,4 pong var han 0,3 poeng føre Stanislaw Marusarz frå Polen med landsmannen Hilmar Myhra på bronseplassen. I den fyrste sesongen etter verdskrigen, 1946, vann han både noregsmeisterskapen og Holmenkollrennet. Olympiaåret 1948 vart han på ny noregsmeister og var ein av dei fire norske hopparane som deltok i vinter-OL 1948 i St. Moritz, der han kom på sjetteplassen. Ruud vart same året tildelt Holmenkollmedaljen.

Besteplasseringar i internasjonale meisterskap og renn

• 1938: Gullmedalje i hopprennet under verdsmeisterskapen i Lahti
• 1939: Nr 7 i Holmenkollen
• 1946: Siger i Holmenkollen
• 1947: Nr 3 i Holmenkollen
• 1948: Nr 6 i OL i St. Moritz
• 1951: Nr 7 i Holmenkollen

Medaljar og besteplasseringar i noregsmeisterskap

• 1946: Gullmedalje
• 1947: Nr 4
• 1948: Gullmedalje
• 1949: Nr 6
• 1952: Nr 10 i Porsgrunn

Ruud arbeidde i yngre år i ei sportsforretning på Kongsberg. Seinare flytta han til Oslo, der han dreiv sportsforretning saman med brørne Øyvind og Sigmund Ruud. Asbjørn Ruud var gift med symjaren Berit Haugen. Han døydde i Oslo.

Kjelder

• Sportsboken, aktuelle årgangar
• Bokmålswikipedia

Bakgrunnsstoff

• Da Asbjørn Ruud vant i Bergensbakken, Historien om en hoppbakke
• Artikkel om Asbjørn Ruud i Store norske leksikon