Asker prosti

Asker kyrkje

Asker prosti er eit tenestedistrikt i Oslo bispedømme i Den norske kyrkja. Det femner Asker kommune og prosten har sete i Asker.

Historie

Prostiet vart oppretta i 1869. Det bestod frå starten av prestegjelda Vestre Aker og Østre Aker skilt ut frå Oslo Domprosti (då Christiania domprosti), og Asker, Hurum, Lier og Røyken frå Drammen prosti.

Tidslinje

• 1869 - Prostiet vart oppretta. Femnde frå starten prestegjelda Asker, Hurum, Lier, Røyken, Vestre Aker og Østre Aker.
• 1894 - Østre Bærum og Vestre Bærum vart skilt ut frå Asker prestegjeld som eigen prestegjeld.
• 1947 - Hurum, Asker, Lier og Røyken vart overført til Drammen prosti og Vestre Aker og Østre Aker vart del av Oslo Domprosti att.
• 1961 - Namnet vart endra til Asker og Bærum prosti.
• 1968 - Holmen prestegjeld og sokn vart skilt ut frå Asker prestegjeld sokn.
• 1975 - Østenstad prestegjeld og sokn vart skilt ut frå Asker prestegjeld og sokn.
• 2000 - Vardåsen sokn vart skilt ut frå Asker sokn.
• 2002 - Prostiet vart delt i to; Asker prosti og Bærum prosti.
• 2004 - Den norske kyrkja byrja fase ut prestegjeldsordninga.

Sokn

Prostiet er inndelt i sokn. Soknet er grunneininga i Den norske kyrkja. Dei som arbeider i kyrkja er anten tilsette av soknet gjennom Asker kyrkjeleg fellesråd, eller dei er tilsette i prostiet. Dei fleste prestane er tilsette i prostiet, og har tenesta si knytt til eitt eller fleire sokn.

Sokn	Kyrkje	Kyrkjeleg fellesråd
Asker sokn	Asker kyrkje	Asker
Heggedal sokn	Heggedal kyrkje	Asker
Holmen sokn i Asker	Holmen kyrkje i Asker	Asker
Vardåsen sokn	Vardåsen kyrkje	Asker
Østenstad sokn	Østenstad kyrkje	Asker

Prestegjeld

Prestetensta var tidlegare organisert lokalt gjennom prestegjeld. Ordninga vart fasa ut frå 2004. Før utfasinga hadde Asker prosti desse prestegjelda:

• Asker prestegjeld med
  • Asker sokn med Asker kyrkje
  • Vardåsen sokn med Vardåsen kyrkje

• Holmen prestegjeld med
  • Holmen sokn i Asker med Holmen kyrkje i Asker

• Østenstad prestegjeld med
  • Østenstad sokn med Østenstad kyrkje
  • Heggedal sokn med Heggedal kyrkje

Sjå òg

• Kyrkjer i Noreg etter kommune
• Kyrkjer i Noreg etter prosti
• Prosti i Den norske kyrkja

Bakgrunnsstoff

• Om Asker prosti på nettstaden til Den norske kyrkja