Askim kommune

Askim kommune

Komm.nr.	0124
Fylke	Østfold
Adm.senter	Askim
Areal	69 km²
Folkemengd	15 070 (1. jan 2012)
Politikk
Ordførar (2011-)	Thor Hals (H)
Målform	Bokmål
Nettstad	www.askim.kommune.no
Folketalsutvikling 1951-2010^[1]

Askim kommune på Commons

Askim kommune ligg i Østfold fylke og grensar i vest og i nord til Spydeberg, i aust til Trøgstad og Eidsberg og i sør til Skiptvet kommune. Glomma dannar ei naturleg kommunegrense i vest, og fossar har blitt utnytta til kraftproduksjon. Askim har derfor tre store kraftverk innanfor sine grenser (Solbergfoss, Kykkelsrud og Vamma).

Administrerande senter i kommunen er byen Askim. Der bur omtrent 90 % av innbyggjarane i kommunen, mens resten bur jamnt fordelt i mindre bygdesentrum ved dei tre kraftverka. Lokalavisa er Smaalenenes Avis, som også dekkjer dei omkringliggjande kommunane.

Næringsliv [endre]

Glomma ved Solbergfoss kraftverk

Askim har vore ein særmerkt industrikommune, med Askim Gummivarefabrik som hjørnesteinsbedrift. Den siste delen av gummivarefabrikken, Viking Dekk A/S, avskipa produksjonen av bildekk i 1991. Viktige bransjar i dag er forlag/grafisk produksjon og Glava A/S med framstilling av mineralprodukt. Byen Askim er eit viktig handels og sørvissenter i indre Østfold. Nærare to femdelar av arealet i kommunen er dyrka mark, der det meste av dette er nytta til dyrking av korn.

Skiping av dei tre kraftverka Solbergfoss, Kykkelsrud og Vamma på 1900-talet har gitt basis for utviklinga av industrien i Askim. Desse utnyttar fallet til Glomma frå Øyeren til Grønsund. Utbygginga har ført til av alle dei mindre fossane og stryka, med unntak av Vrangsfoss, har kverva bort.

Kommunenamn og -våpen [endre]

Namnet Askim er opphavleg eit gardsnamn, sett saman av trenamnet ask og heim.

Kommunevåpenet blei godkjent ved kongeleg resolusjon den 1. november 1963. Motivet er på blå botn tre sølv skråbjelkar danna med bølgjesnitt og symboliserer dei tre vasskraftverka Solbergfoss, Kykkelsrud og Vamma.

Venskapskommunar [endre]

Frå 1951 har Lyngby-Taarbæk i Danmark, Huddinge i Sverige og Askim vore venskapskommunar. Seinare i 1965 kom Godthåb/Nuuk i Grønland med og i 1965 følgde Island med Seydisfjördur.^[2]