Åsmund

Magnus den gode og Åsmund Grankjellson i ein illustrasjon til Snorre.

Åsmund, Asmund og Osmund er nordiske mannsnamn sett saman av dei norrøne orda áss ('ås', særleg Tor) og mundr ('vern'). Aasmund er ein eldre skrivemåte av namnet. På Færøyane er det kjend som Ásmund eller Ásmundur. Osmond er ein engelsk variant.

Åsmund og Asmund har namnedag den 6. april.

Bruk

Åsmund har vore i bruk som namn på heile 1900-talet, med popularitetstoppar etter 1920 og rundt 1980. I 2009 var det 2060 norske menn som heitte Åsmund, 352 som heitte Aasmund, 300 som heitte Asmund og 172 som heitte Osmund.

Kjende namneberarar

• Åsmund Grankjellson (1000-talet), norsk sysselmann
• Åsmund Kåresson (1000-talet), svensk runemeister
• Heilage Osmund av Salisbury (d. 1099), normannisk-engelsk helgen
• Osmund Andersson Lømsland (1765-1841), eidsvollsmann
• Aasmund Såmundsson Nordgaard (1776-1864), norsk stortingsmann
• Aasmund Olavsson Vinje (1818–1870), norsk forfattar
• Åsmund Larsson Grave (1818-1877), norsk stortingsmann
• Aasmund H. Vinje (1851-1917), norsk stortingsmann
• Åsmund Sveen (1910-1963), norsk forfattar
• Osmund Faremo (1921–1999), norsk politikar
• Asmund Kristoffersen (f. 1944), norsk politikar
• Åsmund Huser (f. 1950), norsk skodespelar og dokkeførar
• Aasmund Nordstoga (f. 1964), norsk musikar, bror til Odd.

Bakgrunnsstoff

• Søk etter norsk namnestatistikk for Åsmund hjå Statistisk Sentralbyrå