Audnedal kommune

Frå Wikipedia – det frie oppslagsverket
Audnedal kommune
kommune
Kommunevåpen
Land  Noreg
Fylke Vest-Agder
Adm.senter Konsmo
Areal 251 km²
 - land 237 km²
 - vatn 14 km²
Målform nøytral
Ordførar Reidun Bakken (KrF)
Kommunenr. 1027
Kart
Audnedal kommune
58°23′ N 7°22′ E
Wikimedia Commons: Audnedal
Nettstad: www.audnedal.kommune.no

Audnedal er ein tidlegare norsk kommune i Vest-Agder fylke, sidan 2020 ein del av Lyngdal kommune. Innlandskommunen grensa til Aust-Agder fylke i nordaust. I nord grensa kommunen mot Åseral kommune, og i vest mot Hægebostad kommune. I sør var grensa mot Lyngdal og Lindesnes kommunar, og i aust mot Marnardal kommune.

I 1963 vart Konsmo og Grindheim kommunar og delar av Bjelland kommune slegne saman til Audnedal kommune. 1. januar 2020 blei Audnedal slått saman med Lyngdal til nye Lyngdal kommune.

Elva Audna byd på godt fiske etter laks og sjøaure. Riksveg 460 går i elvedalen. Sørlandsbanen kryssar kommunen og Audnedal stasjon er stoppestad for fjerntog. Vest for stasjonen går banen gjennom Hægebostadtunnelen som er mellom dei lengste jernbanetunnelane i Noreg.

Folkesetnad[endre | endre wikiteksten]

I 1875 hadde Audnedal etter kommunegrensene av i dag 2159 innbyggjarar, det høgaste talet som er registrert. Innbyggjarrtalet gjekk jamt nedover fram mot den andre verdskrigen. I 1930 låg talet på 1622. Nedgangen hadde mellom anna samanheng med at ei rekkje heiegardar vart for tunge å driva. Minst 50 heiagardar i Audnedal vart avfolka i tida frå 1890 til 1940.

Mange utvandra til Amerika for å finna eit nytt utkome. Over 1200 personar med “Undal” som bustad er registrert som emigrantar berre i åra frå 1877 til 1907. Truleg var det kring 2500 personar frå Audnedalen som reiste over Atlanterhavet for kortare eller lengre lengre tid fram til andre verdskrig.

Historikk[endre | endre wikiteksten]

Frå 1837 til 1843 vart Audnedal formannskapsdistrikt utgjort av Vigmostad, Konsmo, Spangereid og Valle sokn.

I 1844 vart Vigmostad og Konsmo skild ut og danna Nord-Audnedal kommune. Samstundes vart Spangereid og Valle slegne saman til Sør-Audnedal kommune.

Bjelland og Grindheim kommune som var oppretta i 1837, vart delt i 1902 i Bjelland kommune og Grindheim kommune.

I 1910 vart Nord-Audnedal delt i Vigmostad kommune og Konsmo kommune.

I vart så Konsmo kommune slegen saman med Grindheim kommune og litt av Bjelland kommune til Audnedal kommune.

Bakgrunnsstoff[endre | endre wikiteksten]

Koordinatar: 58°17′1.6″N 7°21′17.5″E