Auguste Piccard

Frå Wikipedia – det frie oppslagsverket
Gå til: navigering, søk
Auguste Piccard
Bundesarchiv Bild 102-13738, Auguste Piccard.jpg
Fødd 28. januar 1884
Basel, Sveits
Død 24. mars 1962 (78 år)
Lausanne, Sveits
Nasjonalitet Sveitsisk

Auguste Antoine Piccard (28. januar 188424. mars 1962) var ein sveitsisk forskar og oppfinnar. I 1953 konstruerte han batyskaf, eit undervassfartøy som sonen hans, nokre år seinare, skulle bruke til å dykke til botnen av Marianegropa med.[1] Tidlegare dreiv han meteorologiske observasjonar ved hjelp av sine mange ballongferder.

Piccard utdanna seg ved det føderale instituttet for teknologi i Zürich og vart fysikar ved Det frie universitetet i Brussel i 1922. I 1930 konstruerte han aluminiumgondolen som tok av frå Augsburg i Tyskland 27. mai 1931 og brakte han og Paul Kipfer opp til 15 781 meters høgd i atmosfæren for å måle kosmisk stråling. Den 18. august 1932 nådde Piccard og Max Cosyns 16 940 meter frå Dübendorf i Sveits. Piccard gjennomførte 27 ballongferder, helt opp til 23 000 meter. Etter andre verdskrig byrja han med djupdykking. I 1953 gjekk han ned til 3150 meter med gondolen Bathyscaphe Trieste.

Piccard sine ballongferder har vore særs viktig for meteorologifaget.[2] Han var professor i fysikk og meteorologi, og det var interessa for kosmisk stråling som brakte han opp i stratosfæren.[2] Piccard var eit multitalent og engasjerte seg seinare i havforsking. Erfaringane frå ballongferda brukte han no til å dykke ned i havdjupet.[2]

Han var far til forskaren Jacques Piccard og tvillingbror til kjemikaren Jean Piccard.

Piccard i populærkulturen[endre | endre wikiteksten]

Piccard var inspirasjonskjelde for figuren Professor Calculus (i Noreg kjent under namnet Professor Tryphon Tournesol), som er ein av gjennomgangsfigurane i den belgiske teikneserien Tintin.[3] Han var òg inspirasjonskjelde (saman med tvillingbroren) for Star Trek-figuren Jean-Luc Picard.[4][5]

Kjelder[endre | endre wikiteksten]

  1. SNL - batyskaf
  2. 2,0 2,1 2,2 VG - VÆRETS GANG (28.5.1999) «Han var professor i fysikk og meteorologi, og det var interessen for kosmisk stråling som brakte ham opp i stratosfæren. Men Piccard var et multitalent og engasjerte seg senere i havforskning.» (Siri Kalvig)
  3. Horeau, Yves The Adventures of Tintin at Sea 1999, English translation 2004 for the National Maritime Museum, published by John Maurray, ISBN 0719561191. Chapter on Outside characters drawn into the Adventures.
  4. University of California, Berkeley et al. [and informal sources on Jean Piccard talk page] (2003). «Living With A Star: 3: Balloon/Rocket Mission: Scientific Ballooning». The Regents of the University of California. http://ds9.ssl.berkeley.edu/LWS_GEMS/3/scien.htm. 
  5. Piccard, Elizabeth (2004-01-23). «Talk of the Nation: Science on Stage». National Public Radio. http://www.npr.org/templates/story/story.php?storyId=1614132. Henta 9. april 2012. 

Bakgrunnsstoff[endre | endre wikiteksten]