Aursunden

Frå Wikipedia – det frie oppslagsverket
Gå til: navigering, søk
Aursunden
Stad Røros kommune i Sør-Trøndelag
Koordinatar 62°37′06″N 11°48′11″EKoordinatar: 62°37′06″N 11°48′11″E
Overflateareal 46,4 km²
Største djupne 60 m
Kystlengd1 102,98 km
Høgd over havet 690 moh
1 Kystlengd er eit unøyaktig mål som kanskje ikkje er standardisert for denne artikkelen.

Aursunden er ein innsjø i Røros kommune i Sør-Trøndelag fylke. Sjøen ligg 690 moh. og har eit areal på 46 km². Innsjøen dannar utgangspunktet for Glomma, og er den 23. største innsjøen i landet. Sjøen er regulert, og har ein kraftstasjon ved utløpet til Glomma ved Kuråsfossen. Kuråsfossen kraftstasjon er eigd og vert drive av Røros E-verk, som er eigd av Røros kommune.

Opphavet til namnet på sjøen er omstridd. Men endinga på ordet, -unden skal ha tilknyting til det engelske ordet Pound, som betyr sjø. Eit mogeleg opphav kan vere at før reguleringa så var det mange ører, altså halvøyar som stakk ut i sjøen, derfor aur.

Fiskebestanden i Aursunden er variert, med ein tung overvekt av sik som vart sett ut på byrjinga av 1900-talet. Aure, røye, harr, åbor, lake og blindsild finst òg.

Brekken og Glåmos er dei to største tettstadene rundt sjøen, elles er det ei rekkje grendesamfunn rundt sjøen.

Sjøen har vore trafikkert av transportbåtar, med varierande suksess. «Aursuden III» var den siste på innsjøen som transporterte turistar.

Nord for Aursunden ved Sakrisvolden er den einaste staden i Norden der blomen Sibirstjerna veks. Tidlegare har han eksistert rundt heile Aursunden, men på grunn av at denne planta veks i strandsonen, så takla ho ikkje reguleringa av sjøen. Ho var i ferd med å verte heilt borte, men eldsjeler sørgde for at den overlevde.

Spire Denne geografiartikkelen som har med Sør-Trøndelag å gjere er ei spire. Du kan hjelpe Nynorsk Wikipedia gjennom å utvide han.