Austfonna

Austfonna
Type	Iskalott
Stad	Nordaustlandet på Svalbard
Koordinatar	79°45′N 24°30′E
Areal	8 492 km²
Tjukkleik	560 m
Høgaste punkt	783 moh

Austfonna er ei iskappe på Nordaustlandet på Svalbard. Med sine 8 102 km² (8 492 km² including Vegavonna ) er han arealmessig den største breen i Europa og den åttande største i verda ^[1]. Breen har eit volum på 1 900 km³ (utanom Vegafonna) som er det nest største i Europa etter Vatnajökull i Island (om ein ser bort frå den større iskappa Severny på Novaja Zemlja i Russland, som ligg heilt nordaust i Europa) og den sjuande største i verda .

Austfonna har ein tjukkleik på opp til 560 meter (235 meter i snitt) og ein omkrins på 200 km. Det høgaste punktet på breen er 783 meter over havet.

Den sørlege tredjedelen av Austfonna vert stundom kalla Sørfonna, som er ei separat iskappe skild frå Austfonna av eit isfylt søkk.

Vegafonna i sørvest heng òg saman med Austfonna, særleg Sørfonna. Ericadalen går mellom dei to breane. Både Sørfonna og Vegafonna dannar eigne kuplar. Like vest for Vegafonna ligg iskappa Glitne, som vert rekna som ein del av Vegafonna.

Vestfonna nordvest på Nordaustlandet er ei heilt eigen iskappe og den tredje største på Svalbard og i Noreg.

Sjå òg

• Isbrear i Noreg

Bakgrunnsstoff

• Spatial and temporal variability in snow accumulation on Austfonna, Svalbard.
• http://www.cig.ensmp.fr/~iahs/sapporo/abs/jsh01/020760-1.html
• http://www.cpom.org/research/largeice.htm
• Kart over Nordaustlandet

Kjelder

• Delar av denne artikkelen bygger på «Austfonna» frå Wikipedia på engelsk, den 4. april 2008.
  • Wikipedia på engelsk oppgav desse kjeldene: