Austlandet

Austlandet si plassering i Noreg

Austlandet (bm. Østlandet) er den austre delen av Sør-Noreg, sør for Dovre/Rørosvidda og aust for Langfjella. Landsdelen vert administrativt og grovt rekna til å femne fylka Østfold, Akershus, Oslo, Hedmark, Oppland, Buskerud, Vestfold og Telemark.

Totalt utgjer Austlandet 94 575 km² (29,2 % av landets areal) med 2 305 109 innb. (2006, 49,7 % av landets folketal). Den delen av folkemengda i Noreg som budde på Austlandet var sterkt aukande fram til kring 1970; i 1970-åra gjekk delen litt tilbake, vesentleg som følgje av stagnasjonen i folketalet i Oslo-området. Frå midten av 1980-åra har folkemengda på ny vist ein stigande tendens, parallelt med ny vekst i Oslo-området. I perioden 1996–2006 hadde Austlandet 62,9 % av den samla folkeveksten i landet. Av dette fall 41,1 % på Oslo og Akershus og 21,8 % på landsdelen elles. Dette avspeglar ei tydeleg sentralisering av busetnaden på Austlandet.

Kjelder

• «Østlandet» - Store Norske Leksikon