Austre valkrins

Austre valkrins (nordsamisk: Nuortaguovllu válgabiire, bokmål: Østre valgkrets) er ein valkrins ved Sametingsvala i Noreg frå og med valet i 2009. Krinsen vert også kalla valkrins 1. Stemmerett i krinsen har dei som er busette der og er innførde i manntalet til Sametingsvalet. I 2005 var det 2 140 personar som var registrerte i manntalet i området.

Krinsen femner kommunane Sør-Varanger, Nesseby, Vadsø, Vardø, Båtsfjord, Tana, Berlevåg, Lebesby og Gamvik i Finnmark fylke.

Det skal ved valet i 2009 veljast inn seks sametingsrepresentantar frå krinsen. I Sametingsperioden 2009-2013 skal tinget ha tilsaman 39 representantar.

Krinsordninga ved Sametingsvala vart endra framfor valet i 2009. I staden for dei 13 krinsane ein nytta ved Sametingsvala i 1989, 1993, 1997, 2001 og 2005, er det frå 2009 sju krinsar. Austre valkrins tilsvarar dei to tidlegare krinsane Varanger valkrins, med Sør-Varanger, Nesseby, Vadsø, Vardø og Båtsfjord kommunar og Tana valkrins, med Tana, Berlevåg og Gamvik kommunar, i tillegg til Lebesby kommune som tidlegare høyrde til Porsanger valkrins.

Parti og vallister som stiller til Sametingsvalet i 2009 i Austre valkrins

Desse partia og vallistene stiller til Sametingsvalet i 2009 i krinsen.

• Árja
• Arbeidarpartiet
• Felleslista
• Framstegspartiet
• Høgre
• Norske Samers Riksforbund/Samefolkets parti (fellesliste)
• Ofelaš
• Samenes Folkeforbund samepolitiske enhet
• Senterpartiet

Bakgrunnsstoff

• FOR 2008-12-19 nr 1480: Forskrift om valg til Sametinget på nettstaden lovdata.no
• Sametingsvalget 2009 – Rundskriv om endringer i valgbestemmelsene i sameloven og forskrift om valg til Sametinget på nettstaden til Den norske regjeringa