Austrheim kommune
| Austrheim kommune | |
|---|---|
 |
 |
| Komm.nr. | 1264 |
| Fylke | Hordaland |
| Adm.senter | Årås |
| Areal | 55 km² |
| Folkemengd | 2 783 (1. jan 2012) |
| Politikk | |
| Ordførar (2011-) | Per Lerøy (Ap) |
| Målform | Nynorsk |
| Nettstad | www.austrheim.kommune.no/ |
| Folketalsutvikling 1951-2010[1] | |
 |
|
| Austrheim kommune på Commons | |
Austrheim er ein kommune i Hordaland fylke. Kommunen ligg i Nordhordland, nordvest i havgapet sørom munningen til Fensfjorden og grensar i nord til Gulen i Sogn og Fjordane, i aust til Lindås, i sør til Radøy og vest i havet ligg Fedje. Kommunen omfattar øyane Fosnøy, Bakkøy, Njøten og ei rekkje mindre øyar, holmar og skjer i tillegg til den nordvestlegaste delen av Lindåshalvøya. 13 større og mindre bruer bind kommunen saman og dei største øyane har alle vegsamband til fastlandet.
Det vestlegaste fastlandspunktet i Noreg, Vardetangen, ligg på Lindåshalvøya i Austrheim.
Langs den fiskerike Fosenstraumen ligg det ei rekkje buplassar frå steinalderen.
Delar av Mongstad industriområde ligg i kommunen.
Innhaldsliste |
Kommunevåpenet [endre]
Kommunevåpenet er frå 1989 og viser tre bøygde sylvbjelkar på blå botn, der bjelkane symboliserer bruene som bind kommunen saman, og dei blå felta symboliserer himmelen over og havet under bruene. Det er Svein Skauge som har teikna det.
Kommuneplante [endre]
Tiriltunge (Lotus corniculatus) vart i 1998 vald ut til å vera kommuneplante for Austrheim.
Historie [endre]
Austrheim vart eigen kommune 10. oktober 1910, då han vart utskild frå Lindås herad. Fram til 1947 omfatta kommunen òg dagens Fedje kommune. Austrheim kommune overlevde dei store kommunesamanslåingane på 1960-talet, men 1. januar 1964 vart ein liten del av den gamle kommunen, med 56 innbyggjarar, overført til Radøy kommune.[2]
Folketalsutvikling [endre]
Folketalsutvikling for Austrheim kommune frå 1951:
| 1.1.1951[2] | 1.1.1961[2] | 1.1.1971[2] | 1.1.1981[2] | 1.1.1991[2] | 1.1.2001[2] | 1.1.2010[2] |
|---|---|---|---|---|---|---|
| 2390a | 2147a | 1849 | 2591 | 2671 | 2522 | 2738 |
- a Talet omfattar eit område som vart overført til Radøy kommune i 1964. Dette området hadde då 56 innbyggjarar.
Bakgrunnsstoff [endre]
- Stor digitalisert fotosamling med bilete frå Austrheim, samt info om dei nye bygdebøkene.
- Detaljert kart på nettsidene til Fylkesmannen i Hordaland.
- Informasjonssenter for Nordhordland og Gulen.
- ssb.no - Kommunefakta for Hordaland frå Statistisk sentralbyrå
Fotnotar [endre]
| Kommunar i Hordaland | ||
|---|---|---|
| Askøy · Austevoll · Austrheim · Bergen · Bømlo · Eidfjord · Etne · Fedje · Fitjar · Fjell · Fusa · Granvin · Jondal · Kvam · Kvinnherad · Lindås · Masfjorden · Meland · Modalen · Odda · Os · Osterøy · Radøy · Samnanger · Stord · Sund · Sveio · Tysnes · Ullensvang · Ulvik · Vaksdal · Voss · Øygarden |  |
|
