Avesta kommun
- Avesta kommun må ikkje forvekslast med Alvesta kommun i Kronobergs län.
| Avesta kommun | |
 Kommunevåpenet til Avesta kommun |
|
| Len | Dalarnas län |
| Landskap | Dalarna |
| Centralort | Avesta |
| Areal | 673 km² |
| – Landareal | 616 km² |
| – Vassareal | 57 km² |
| Folketal | 21 927 |
| Folketettleik | 36/km² |
| Kommunenummer | 2084 |
| Nettside | www.avesta.se |
| Kart | |
|---|---|
 |
|
Avesta kommun er ein kommune i Dalarnas län i Sverige. Kommunen grensar til Hofors kommun og Sandvikens kommun i Gävleborgs län i nord. I sør grensar han til Norbergs kommun og Sala kommun i Västmanlands län. Han har også ein nabokommune i eige len, Hedemora kommun i nordvest. Administrasjonssenteret i kommunen er Avesta.
Avesta er ein skogskommune med lange tradisjonar for industri, men i den seinare tida har kommunen vorte ramma hardt av nedleggingar av arbeidsplassar.
Innhaldsliste |
Administrativ historikk [endre]
I Avesta kommun vart i 1889 municipalsamhället Avesta oppretta, og i Folkärna kommun vart det i 1904 oppretta eit municipalsamhälle med namn Krylbo. I 1907 vart Avesta köping grunnlagd gjennom omstrukturering av kommunen, og municipalsamhället vart oppløyst. I 1919 vart köpingen omdanna til Avesta stad. Same år braut tettstaddelen ut av Folkärna kommun for å opprette Krylbo köping.
Ved kommunereforma i 1952 skjedde det ingen samanslåingar i området. I staden vart blockkommunen Avesta oppretta allereie i 1967, då Avesta stad vart slått saman med Krylbo köping, samt landskommunane By, Folkärna og Grytnäs. Den nye kommunen var formelt by fram til 1971, då namnet vart Avesta kommun.
Kommunevåpenet [endre]
Blasonering: Eit sølvskjold delt av eit band med ein blå straum. Oppe eit raudt jernmerke og nede eit koparmerke med same farge.[1]
Våpenet vart fastsett i 1920 for Avesta stad. Det symboliserer Dalälven og industrien på staden. Ved kommunegrunnlegginga hadde, som ofte i Dalarna, alle einingane eigne våpen. Byvåpenet vart registrert uforandra hjå Patent- och registreringsverket i 1974.
Tettstader [endre]
Det er fem tettstader i Avesta kommun.
Tettstadene i tabellen er ordna etter innbyggjartal per 31. desember 2005. Administrasjonssenteret er utheva.
| Nr. | Tettstad | Folketal |
|---|---|---|
| 1 | Avesta | 14 738 |
| 2 | Horndal | 1 127 |
| 3 | Fors | 845 |
| 4 | Nordanö | 435 |
| 5 | Näs bruk | 223 |
Kjelder [endre]
- Artikkelen var opphavleg basert på ei omsetjing av «Avesta kommun» på Wikipedia på svensk.
- «Avesta – kommune i Sverige» på Store Norske Leksikon.
Fotnote [endre]
- ↑ «En sköld av silver med en bandvis ställd blå ström åtföljd ovan av ett rött järnmärke och nedan av ett kopparmärke av samma färg».
|
|
||
|---|---|---|
| Avesta · Borlänge · Falun · Gagnef · Hedemora · Leksand · Ludvika · Malung-Sälen · Mora · Orsa · Rättvik · Smedjebacken · Säter · Vansbro · Älvdalen |  |
|
| Sjå òg: Liste over Sveriges kommunar | ||
