Baffinøya

Baffin Island

Baffin Island

Satellittbilde av Baffin Island

Baffinøya (engelsk: Baffin Island) er ei av dei arktiske øyane i det nordlege Canada i territoriet Nunavut. Det er Canada si største øy, og den femte største øya i verda, med eit areal på 507 451 km². Øya har ein folkesetnad på 11 000 (2004), og er kalla opp etter den britiske oppdagaren William Baffin. Vikingane kalla øya for Helluland, oppdaga av Leiv Eriksson

Geografi

Iqaluit, som fram til 1987 heitte Frobisher Bay, er hovudstaden i Nunavut og ligg på sørkysten av øya.

Sør for øya ligg Hudsonsundet og Quebec på fastlandet. I aust ligg Davissundet og Baffinbukta og bortanfor der igjen ligg Grønland. I vest og i nord, Foxe Basin, Boothiagulfen og Lancastersundet som skiljer Baffin Island fra resten av arkipelaget.

Øya er dekka av fjell og den høgaste toppen er Mount Blanche på 2 146 m. Ein annan fjelltopp er Mount Asgard på 2 011 m.

Tettstader på øya

Største tettstader (2001):

1. Iqaluit (5 236)
2. Pangnirtung (1 243)
3. Pond Inlet (1 220)
4. Clyde River (785)
5. Arctic Bay (646)
6. Kimmirut (433)
7. Nanisivik (77)