Ballad of a Thin Man

«Ballad of a Thin Man» Song av Bob Dylan frå albumet Highway 61 Revisited
Utgjeve	30. august 1965
Innspelt	Columbia Studios i New York, 2. august 1965
Sjanger	Folkrock
Lengd	5:58
Selskap	Columbia
Låtskrivar(ar)	Bob Dylan
Produsent	Bob Johnston

«Ballad of a Thin Man» er ein song av Bob Dylan, gjeven ut på albumet hans Highway 61 Revisited i 1965.

Tyding

You walk into the room With your pencil in your hand You see somebody naked And you say, "Who is that man?" You try so hard But you don't understand Just what you'll say When you get home Bob Dylan

«Ballad of a Thin Man» er ein mørk og truande song og omhandlar den ordinære personen «Mr. Jones», som går inn i eit ro med bisarre motkulturelle typar og veit ikkje kva som skjer.

Identiteten til Mr. Jones har lenge vore omdiskutert. Dylan vart spurt i eit intervju i 1965 og sa at han var ein verkeleg person, men hadde eit anna namn. I følgje Dylan var heile teksten ei sann soge. Opningslinja i songen, «You walk into the room, with your pencil in your hand» har gjort at ein trur det kan vere ein journalist. I eit intervju med Q på midten av 1980-talet sa Dylan at personen var Max Jones, ein tidlegare kritkar i Melody Maker som ikkje «forstod» songane til Dylan.

I tillegg kan «Mr. Jones» ha tydd den meir generelle standardisterte amerikanske familien, som var så ulik livet Dylan og motkulturen levde i 1960-åra. Ei anna tolking er at songen er om ein man som prøver å takle sin eigen homoseksualitet. Det finst mange falliske symbol i teksten («He hands you a bone», «With your pencil in your hand», «A one-eyed midget», «Sword Swallower», «He hands you back your throat») og det er mogelege hentydingar til fellatio («Well, the sword swallower, he comes up to you / and then he kneels», «Here's your throat back, thanks for the loan» «Give me some milk or else go home») og transvestisme («He clicks his high heels»). Med denne tolkinga av songen kan noko av teksten («How does it feel to be such a freak»; «There ought to be a law / Against you comin' around») vise til intoleransen samfunnet på denne tida synte mot homoseksualitet.

Utgjevingar

Songen kom opphavleg ut på Highway 61 Revisited i 1965 og konsertutgåver er gjeven ut på Before the Flood (1974), Bob Dylan at Budokan (1979), Real Live (1984), Hard to Handle (video, 1986), The Bootleg Series Vol. 4: Bob Dylan Live 1966, The "Royal Albert Hall" Concert (1998) og på The Bootleg Series Vol. 7: No Direction Home: The Soundtrack (2005). Dylan har framført «Ballad of a Thin Man» på konsertar frå songen vart laga of fram til i dag.

Referansar hos andre artistar

Songar av andre artistar har vist til «Ballad of a Thin Man». Nokre av desse er «Yer Blues» frå The Beatles-albumet White Album («I feel so suicidal, just like Dylan's Mr. Jones...») og «Who Is Mr. Jones?» av Momus (som syng «Mr. Jones is a man who doesn't know who Mr. Jones is») frå albumet Little Red Songbook. Somme meiner at Mr. Jones i songen til Counting Crows, «Mr. Jones» er ein referanse til «Ballad of a Thin Man» -- ein teori som vert støtta av teksten «I wanna be Bob Dylan, Mr. Jones wishes he was someone just a little more funky».

Andre utgåver

• The Sports: The Sports Play Dylan & Donovan (1981)
• Thee Fourgiven: Voilà (1986)
• Top Jimmy & The Rhythm Picks: Pigus Drunkus Maximus (1987)
• Janglers: Janglers Play Dylan (1992)
• The Grass Roots: Where Were You When I Needed You (1994)
• Uncle Green: Tribute to Bob Dylan, Volume 2 (1995)
• Calamity Jane: Outlaw Blues, Volume 2 (1995)
• Golden Earring: Love Sweat (1995)
• Elliott Smith spelte stundom songen på konsertar
• James Solberg: L.A. Blues (1998); Tangled Up in Blue: The Songs of Bob Dylan (1999)
• The Grateful Dead: Postcards of the Hanging: Grateful Dead Perform the Songs of Bob Dylan (2002)
• Robyn Hitchcock: Robyn Sings (2002)
• Big Brass Bed: A Few Dylan Songs (2003)
• Kula Shaker: Kollected (2003)
• Ben Weaver: Mojo- Dylan Covered (2006)
• Willard Grant Conspiracy: Let It roll (2006)
• Jamie Saft Trio med Mike Patton: Trouble: The Jamie Saft Trio Plays Bob Dylan (2006)
• Enrique Bunbury
• Stephen Malkmus: I'm Not There Soundtrack (2007)
• Johnny Casino & The Secrets: New Clothes Old Shoes (2007)

Kjelder

• Denne artikkelen bygger på «Ballad of a Thin Man» frå Wikipedia på engelsk, den 23. oktober 2009.
  • Wikipedia på engelsk oppgav desse kjeldene:

Bakgrunnsstoff

• Songteksten
• Tolkingar
• Andre tolkingar