Barbados

Barbados (norsk: Barbados, barbadisk)
Flagg
Nasjonalsong	««In Plenty and In Time of Need»»
Motto	Pride and Industry
Offisielle språk	Engelsk
Hovudstad	Bridgetown
Styresett Dronning Generalguvernør Statsminister	Monarki Elisabeth II Clifford Husbands Freundel Stuart
Flatevidd  – Totalt  – Andel vatn	430 km² (185.) 0 %
Folketal  – Estimert (2012)  – Folketeljing (2002)  – Tettleik	287 733 (176.) 276 607 669,1 /km² (8.)
Sjølvstende  - Etter forhandlingar	Frå Storbritannia 30. november 1966
Nasjonaldag	30. november
BNP  – Totalt (2010)  – Per innbyggjar	6 196 mill. USD (150.) 21 700 USD (46.)
Valuta	Barbadisk dollar
Tidssone
Telefonkode	+1-246
Toppnivådomene	.bb

Barbados er ein øystat aust i det karibiske havet og vest i Atlanterhavet. Det er ein del av dei små Antillane og har statane Saint Lucia og Saint Vincent og Grenadinane som nærmaste naboar.

Kart over Barbados

Øya er hovudsakleg bygd opp av korall og kalkstein. Ho er 430 km² i utstrekking, hovudsakleg flat, men med høgare område i innlandet. Barbados ligg 13º nord for ekvator og har ein lengdegrad på 59º vest. Klimaet er tropisk med konstante passatvindar. Det finst nokre myrer og mangroveområde her, i tillegg til store menneskeskapte sukkerrøyrplantasjar.

Landet har ein av dei høgaste levestandardane i verda og blir av SN rekna som det fremste utviklingslandet i verda. Det er eit av dei tettast folkesette i verda, og peikar seg òg ut gjennom særs høg lesedugskap blant innbyggjarane.

Namnet Barbados kjem frå den portugisiske oppdagaren Pedro Campos, som i 1536 kalla øya Os Barbados, 'dei skjeggete', etter fikentrea med luftrøter som voks der.

Historie

Dei første som kom til øya var nomadar frå Sør-Amerika. Dei første kom rundt år 350. Rundt 800 kom arawakar til, som ifølge arawakar på andre øyar skal ha kalla denne Ichirouganaim. Karibar steig i land på øya på 1200-talet og fortrengde dei tidlegare innbyggjarane. Desse blei i sin tur jaga eller fanga av spanske conquistadorar som brukte dei som slavar. Då britar kom for å busetta seg på øya i 1627 var ho aude.

Britane laga plantasjar som dei dreiv med slavearbeid til dette blei forbode i 1834. Gradvise sosiale og politiske reformer i 1940- og 1950-år førte til sjølvstende frå Storbritannia i 1966.

Klima

Barbados har tropisk klima påverka av passatvinden. Temperaturane endrar seg lite gjennom døgnet og året. Middeltemperaturen i januar er 25 °C, og i august 27 °C. Årsnedbøren er kring 1250-1500 mm, med mest nedbør i perioden juni-november. Resten av året er tørketid.

Økonomi

I dag framstiller Barbados seg, og blir sett på som, eit ferieparadis.

Historisk har produksjon av sukker, melasse og rom vore berebjelkane i økonomien. Men turisme har blitt stadig viktigare for øya, og i 1990-åra blei denne og produksjonsindustrien viktigare enn sukkerindustrien.

Klima

• Store norske leksikon, snl.no, «Barbados – klima»

Bakgrunnsstoff

Commons har multimedia som gjeld: Barbados