Barbara

Barbara er eit kvinnenamn av gresk opphav. Det tyder framand, det vil seia ikkje gresk, og har samanheng med ordet barbar. På engelsk finst namnet som Barbra, medan Barbro er ein variant som i Skandinavia er blitt vanlegare enn opphavet.

Namnet er blitt spreidd ved hjelp av den heilage Barbara, ein kristen martyr som levde på 300-talet.

Namnedag i Noreg, Sverige og Danmark er 4. desember.

Kjende namneberarar

• Den heilage Barbara
• Barbara Hendrikke Daae Zwilgmeyer (1853-1913), norsk forfattar kjend som Dikken Zwilgmeyer.
• Barbara Cartland (1901-2000), forfattar
• Barbara Bush (f. 1925), USA-amerikansk presidentkone til George H. W. Bush og mor til president George W. Bush
• Barbara Vine er pseudonymet til forfattaren Ruth Rendell (f. 1930)
• Barbra Streisand (f. 1942), songar
• Barbara Hendricks (f. 1948), songar

Oppdikta personar

Barbara er hovudperson i den færøyske romanen av same namn, skriven av Jørgen Frantz Jacobsen.

Utanfor Wikipedia

• Søk etter norsk namnestatistikk for Barbara hjå Statistisk Sentralbyrå

• Søk etter norsk namnestatistikk for Barbra hjå Statistisk Sentralbyrå