Bardsey Island

Frå Wikipedia – det frie oppslagsverket
Gå til: navigering, søk
Bardsey Island
Lokalt namn: Ynys Enlli
Bardsey Island sett frå Mynydd Mawr
Bardsey Island sett frå Mynydd Mawr
Geografi
Bardsey Island is located in
Stad Irskesjøen
Koordinatar 52°45′40″ N 4°47′5″ WKoordinatar: 52°45′40″ N 4°47′5″ W
Høgaste punkt Mynydd Enlli (167 moh.)
Administrasjon
Land Wales
Hovudområde Gwynedd

Bardsey Island (walisisk Ynys Enlli) er ei øy som ligg 3 km utanfor Llŷnhalvøya i området Gwynedd i Wales.[1]. Det walisiske namnet tyder 'Øya i straumane'.[2] Ho er 400 meter brei og 1,6 km lang. Nordaustsida a vøya stig bratt opp frå sjøen til ei høgd på 167 meter over havet ved Mynydd Enlli,[3] medan vestsida er låg og relativt flatt oppdyrka jordbruksland.[4] Sidan 1974 har øya høyrt til Aberdaron.[5]

Øya har vore ein viktig religiøs stad sidan St. Cadfan bygde eit kloster her i 516.[6] I mellomalderen var det eit stort pilegrimssenter og frå 1212 høyrte det til dei augustinske Canons Regular.[7] Klosteret vart øydelagd av Henrik VIII i 1537,[8] men øya har heldt fram som pilegrimsmål heilt fram til våre dagar.[8]

Bardsey Island er i dag kjend for dyrelivet og det kuperte landskapet. Det vart oppretta eit fugleobservatorium her i 1953, hovudsakleg fordi øya ligg midt i trekkfuglruta.[9] Her finn ein viktige fuglar i Europa, som havlire og alpekråke, samt sjeldne planter og habitat som ikkje er øydelagde av moderne jordbruk.[10] Det er ein av dei beste stadane i Gwynedd for å sjå gråsel; og farvatnet rundt øya trekkjer til seg delfinar og niser.[9]

Den andelegheita og heilagheita ved øya, den relativt aude plasseringa og at ho i følgje segna er gravstaden til kong Arthur, har gjort at ho har ein spesiell plass i kulturlivet i Wales. Ho har trekt til seg mange kuntnarar, forfattarar og musikarar.[11] Ho har inspirert til prisvinnande litteratur[12] og trekt til seg internasjonal kjende songarar.[13]

Kjelder[endre | endre wikiteksten]

Bakgrunnsstoff[endre | endre wikiteksten]